幸福車厘子　一個傻社工 每個人　都擁有一個夢 即使彼此不相同　 能夠與你分享 無論失敗成功都會感動 愛　因為在心中 平凡而不平庸　 世界就像迷宮 卻又讓我們此刻相逢 ＯＵＲ　ＨＯＭＥ If I know what love is, it is because of you.

225愛的鼓勵 1訂閱站台

一起身，咩都唔想做。
上年成日唔想返學，今年先係第一次。唯有用返細個時候o既想法，因為想見同學而返學，有返推動力。

成朝心緒不寧，諗緊自己係咪應該簡單o的，可惜都係做唔到。
除o左感激之外，我會唔會仲有其他感情？
掛住好多人，不過冇個個都話佢知。可能我掛住你你唔知呢~

連續六堂冇lunch hour, 估唔到自己食包都可以頂得順成日。
兩個tutor.都係做第一組帶，唔錯。今日係第二個，都應該係最後一個, 幾好，鬆晒~

補習，多謝婆婆個冰皮，令我唔會肚餓。
補完習，即刻去買楊桃燈籠，隻色好靚，超級超級開心！
返屋企至知o爹o的媽咪幫我o係屋企問過楊桃燈籠價，好在佢o地未買遮。

MayMay, 我都掛掛o地妳啦！嘈嘈，多謝sms發明，多謝smartone令我o地緊密聯繫！聶聶，唔知妳今日點呢？突然間記得o個日唔記得帶MayMay送俾我o既西藏心心鏈，仲有我唔記得話俾大家知o個日返屋企阿媽話我中o左雀屎，搞到我即刻洗頭換衫，哈哈哈……周秀汶一定會笑我啦。
Hilly, 加油加油加油！Fanny、招招，我聽日就可以同你o地玩喇，好開心啊！雞雞，我o地安排得好好！最好o既安排係即興嘛！yeah!~
迎中秋撞見Marie, 總叫團聚一下。

今晚長毛去中大，嘈嘈、美美同魚魚去o左聽佢夜話，我都有o的興趣。
不過同一個時候，我同爸爸媽媽去o左迎月。
話說今晚係一年一度o既迎月晚會，已經好耐冇參與，不過以前同屋企慶祝o既幸福感覺我仲記得，我o地話今年要抽獎。
結果，同埋余太，我o地去o左行 沙灘同海傍，最後o涼亭度飲啤酒食過節食品，趕唔切返去抽獎……哈。
我個楊桃燈籠極受歡迎，全街大人細路都投以羨慕目光。「嘩！」、「好靚啊！」、「你睇o下姐姐……個燈籠幾靚！」、「以前……」、「好貴o架！」等等聲音不絕於耳。如果各位男性朋友想追女仔或者同女朋友更好，我奉勸大家中秋買一個楊桃燈籠，一定可以加分。廿蚊令我咁受歡迎都值回票價啦，何妨氹女仔呢，呵呵！
享受「家庭樂」，最開心o爹o的最後都買到閃燈頸項俾我，仲有手錶添！哈哈，好開心！^^

迎月，個月亮好光。

就快冇啦：http://community.webshots.com/user/WinGirlish1-date