9月2日小紅帽聚＠幸福車厘子　一個傻社工

2004-09-02 21:14:47| 人氣71| 回應0 | 上一篇 | 下一篇

9月2日小紅帽聚

推薦 0 收藏 0 轉貼0 訂閱站台

因為要趕小紅帽第一次組聚，我同基基早o左出camp，兩個人搭車去尖咀先，等大家出camp之後，下晝再見。

兩個精神不振o既人，爭取任何時間訓教，企起到都訓得著。
o係地鐵見到一對纏綿o既女女。

話明第一次約人唔好遲到，最後都遲o左，呵呵……好在都唔係遲o左好多，五分鐘遮，唔好意思啊！

去Neway, 唔知邊間，基基竟然拎地圖同指南針出o黎，笑到我丫！哈哈哈。行完山果然有準備！最後好順利就去到，強調同佢o既裝備完全無關，係佢叻遮！點知竟然未開門，好在有人開門俾我o地，第一次做第一台客，連燈都未開o架！

雖然得大半人，Alex爸爸又要出placement，不過咁快有組聚，意粉媽媽又o黎到，好開心、好成功啊！多謝基基約得早呀！
多謝意粉o既台灣手信鳳梨酥，好好味。
終於送o左串得嘔心瀝血o既車厘子俾大家，見意粉同阿King即刻掛住，好安慰啊！多謝~

同O camp之友會合，佢o地o係樓上o個層唱，我就走o左上去，聽阿Zit唱o左兩首歌，好可愛呀！又同到men-mate合唱，太開心啦！唔見幾個鐘，就好掛住大家，真係丫！

唱完K，freahmen走先，我o地OCEC同大組長就去打機。
依然好掛住大家，好想返去搵大家……

一個電話o既威力，可以令我o係爆分鐘、冇電、環境超嘈、冇o野要講o既環境之下，完全唔想收線。

最後，我、基基、中文、Michelle, 去美心tea。吹水，可惜我太冇神冇氣喇。
又好掛住大家，又加多一個。

我都想同基基同LipLip睇戲，不過又想返屋企。連續兩個camp，通完頂再唱K已經幾極限。
同基基等埋LipLip之後，功成身退返屋企，同媽咪食o野，今晚要早訓。

如果要揀一個經過O camp而熟得最多o既人，我一定會揀基基。由我o地被編為同組開始，就注定我o地有緣啦！基基，你太可愛喇！^^

我要檢舉

台長：朱姑娘

人氣(71) | 回應(0)| 推薦 (0)| 收藏 (0)
全站分類: 心情日記(隨筆、日記、心情手札)

回應(0)

9月2日 小紅帽聚

9月2日小紅帽聚