7月29日至親預祝生日＠幸福車厘子　一個傻社工

2004-07-29 23:42:12| 人氣30| 回應0 | 上一篇 | 下一篇

7月29日至親預祝生日

推薦 0 收藏 0 轉貼0 訂閱站台

朝早起身返中學，因為較錯鐘，早起o左半個鐘，七點幾就醒，蝕o左添……哈哈。
今日做role play學閱讀理解，講o野少o左，把聲都好好多。
有o的成績唔好o既同學反而好有戲劇天分，個天真係好公平。所以今日都教班學生，天生我才必有用嘛！
仔仔女女都好好，上堂上得又輕鬆又開心，佢o地又純又乖，比上年o個o的好好多！

放學同媽咪食飯，撞見大家。
同媽咪o係屋企睇《豪情》VCD，起碼有三年冇同媽咪睇過戲喇，即使係VCD。
套戲比想像中好睇得多，果然係冇希望就唔會有失望。
整理相簿，計劃o左好耐喇。

夜晚，全家人o係荃灣食飯，預祝我廿歲女生日。
見到全家人整整齊齊真係好開心好開心！
o爹o的晨早照顧完爺爺未停過超餓等我o地食飯……自己冇去睇爺爺好唔安樂……
家姐lunch都唔食先可以早走放工趕o黎食飯……
阿基真係整o左車厘子cheesecake俾我，呢個未來姐夫都算過關啦！
超級感謝我o既屋企人，我愛你o地啊！

二十歲，我覺得要慶祝o既應該係o爹o的媽咪，我終於大個女啦！感慨。感激佢o地照顧o左我二十年喇，不過最想以後成世都有佢o地照顧。
o爹o的之前以為我今年十九歲咋，佢成日覺得我好幼稚，所以咩都唔放心，搞到我有o的重要o野都唔敢同屋企講，驚大家擔心……可能我太唔成熟啦。不過子女o係父母眼中永遠都係細路o黎o架啦，我諗我將來都會。
今晚錫o左媽咪一啖，超級超級耐未試過啦！好細個o既時候先會。我成日明知佢對我好都忍唔住頂撞佢，日日都係咁，成日發佢脾氣，屋企人就係咁o架啦，明明對你最好，但係都係發脾氣最多o既對象。

間酒樓俾我o地全家人擾攘o左成晚，全場注視……呵呵呵

我要檢舉

台長：朱姑娘

人氣(30) | 回應(0)| 推薦 (0)| 收藏 (0)
全站分類: 心情日記(隨筆、日記、心情手札)

回應(0)

7月29日 至親預祝生日

7月29日至親預祝生日