7月8日 Day 1之出發！同心同根中大港大北京及內蒙古八天交流團＠幸福車厘子　一個傻社工

2004-07-16 21:04:55| 人氣26| 回應0 | 上一篇 | 下一篇

7月8日 Day 1之出發！同心同根中大港大北京及內蒙古八天交流團

推薦 0 收藏 0 轉貼0 訂閱站台

Day 1：

出發上機去北京！朝早五點幾！一早約o左hilly，果然o係碼頭見到佢，好得意o既感覺~ 第一次同佢返工，我終於到感受到點解佢返早之前同之後都唔會同我o地去夜街，實在太辛苦喇……o係船上同佢傾o左陣，好好！

今次係我第一次唔係同屋企人搭飛機，好緊張！好開心上年去完台灣今年又可以去北京同內蒙古，好幸福！今次出門咩都要靠自己，都有o的驚……

我o地竟然同郭富城同機！總共o係機場見o左佢三次，落機仲見埋梁家輝、應采兒……完全冇同佢o地映相o既衝動……見o左咪算囉！

港龍o的o野食好得！好好味！又多o野食！
好好彩地坐窗口坐，日頭個天好好睇，見到o岩o岩好半個唔知係太陽定月亮，好得意~
o係上空睇到北京一格格，好整齊，好可愛~

落機，第一個行程係去北京大學，o係北大飯堂食三餸一飯連湯連水果，原來只需$10！味道幾好。
打工妹之家個talk可以啦，個sharing就好有趣。應該話係吸引，唔可以話有趣。一個由農村出城市打工唔夠一個月o既女仔，由五樓跌落o黎斷o左腰骨，因為老闆唔駛俾錢而o係醫院走廊訓o左七日！傻o架！好可憐……

學術完之後由北大學生同我o地行北大，北大比中大仲要大好多好多倍~ 買o左件北大t., 後來知道第二度仲多貨！算啦，除o左十幾蚊o既t.同三蚊o既保礦力之外都冇駛過錢。

夜晚食涮羊肉，即係好似打邊爐咁，好味道！呢個似增肥團多o的！^^

經過今日，H cube組感情好o左，不過冇出去，冇去Henry屋企。
同CU人玩UNO，吹一吹水。
好累，好眼訓，同mooncake十一點半就蛇去訓~

我要檢舉

台長：朱姑娘

人氣(26) | 回應(0)| 推薦 (0)| 收藏 (0)
全站分類: 心情日記(隨筆、日記、心情手札)

回應(0)