幸福車厘子　一個傻社工 每個人　都擁有一個夢 即使彼此不相同　 能夠與你分享 無論失敗成功都會感動 愛　因為在心中 平凡而不平庸　 世界就像迷宮 卻又讓我們此刻相逢 ＯＵＲ　ＨＯＭＥ If I know what love is, it is because of you.

225愛的鼓勵 1訂閱站台

今日，終於係我IC ｏ既第二個Rotaract社區服務活動，端午與茶道。
一早去到「沙優」<-個朵Victor起o架！~.~， Josephine一早過o左去中心，我用返屋企o既六個鐘訓o左教之後又返o黎沙田呢個地方……訓得太少所以遲到……於是就帶埋參加者去，咁多人好開心，雖然全部都係自己人，但係能夠促使到其他人做義工已經有意義啦~
用前一日o係中心開會開到十一點o既貨玩動作，大多公公婆婆都好投入，比我想像中好，有一個公公更加係玩得之人，帶起晒o的氣氛！我估佢後生o個時都係咁，三歲定八十嘛，可惜太忙同唔到佢傾計啦~
原來Josephine可以好放，講得好好！茶道o個part由小悠同Victor幫手，好多謝佢o地同Andy同我o地一起搏，但係覺得小悠仲可以放o的，就係需要經驗嘛，呢個就係一個機會囉！
之後食糉飲茶派糉，最後唱粵曲，我真係唔夠膽唱，皆大歡喜就話遮……我都唱o左啦！
同o的公公婆婆講「身體健康」、「身壯力健」、「端午節快樂」，見佢o地笑得好真好開心！
公公婆婆都帶住笑話離開，義工同莊員開o左一個唔關事o既E之後就一齊去小巴黎lunch，順便自我慶功。活動順利完成，成唔成功就一定仲有進步空間o既！~
Rita話o的公公婆婆都玩得好開心，我即時覺得自己掛住搞，完全唔記得o既呢個活動o既本意，就係想o的公公婆婆開心！係喎，見佢o地咁開心我都好開心喎！
原來Rotaract有個咁得o既人我都唔知，佢令我知道自己想要o的咩o野。我都話我摺o架啦~ 我以後一定會好積極！
今次最大o既得著係鄧姑娘教識我：對住老人家最唔駛虛偽，佢o地食鹽多過你食米，你係咪真心佢實感覺得到。講得o岩！真誠最緊要，我o係活動過程都不停留意，覺得真係好有道理！咁就好，成就晒我盡在不言中o既情，可能係太內斂，不過我就係咁，相信係真就得！
記得(女麻)(女麻)講過既然做義工不如順便顧o下爺爺，我會盡力o架喇……

跟住返工返六合彩，好好，唔多call, 坐o係度有$收，悶到我忍唔住撩o的唔識o既人傾計，最後識o左City maths. Year 2 o既Vicky，好！

返完3半至8之後上石圍角，o係7-11食$2“Fit旋筒”，第一次等個天決定食咩味……哈哈！

體力透支，十點幾已經不經不覺地訓o左……天然冇冷氣……