幸福車厘子　一個傻社工 每個人　都擁有一個夢 即使彼此不相同　 能夠與你分享 無論失敗成功都會感動 愛　因為在心中 平凡而不平庸　 世界就像迷宮 卻又讓我們此刻相逢 ＯＵＲ　ＨＯＭＥ If I know what love is, it is because of you.

225愛的鼓勵 1訂閱站台

今日返學就即係返去玩，成日論住開組。
第一組Fish同基基做子女教導，我代入唔到做阿媽角色呀！生之前真係要諗清諗楚。
好多好多組，玩o左好多好多o野！
我同Kitty總算搞掂o左，我o地開elderly, Fish玩o野講客家話！有人又講潮州話，阿烽做o既澤東叔又跌倒，真係玩o野……！
但係今日都係覺得唔咩深入體會。其實每一件事，如果唔投入，都好難有所得。
我讀咩書o架？……

放學趕返辛亥年今年畢業禮。
繼上次小巴司機唔識路而入o左龍鼓灘，引起成車人恐慌後，今日小巴竟然俾一架大型旅遊巴擋住！搞o左都幾耐……
正正呢個時候，maymay打o黎話好掛住我，傾傾o下，已經打消o左參與六四晚會o既念頭又再興起！好想去！十五年啦，一年都未去過，好有價值。
終於，七點到學校，已經開始表演部分……
好開心Simon話李Sir一見到佢o地就搵我，張Sir又無啦啦話識我，中二囉……

同周Sir講話想去晚會，佢好好人咁又叫王Sir、又叫晒兩個李Sir車我去，佢今年唔去，有心就得喎……但係身為大學生一年都未去過就唔得！約得o左七一大遊行，7A邊有人理我丫？不過我一定會去！
瘋狂行為總有Simon陪我~ thx!~ ^^ 搞到思恩要一個撐場，辛苦晒！
唔該冇教過我o既李Sir車我o地出去，好o野！仲有鄭Sir，搞笑！李Sir原來仲記得我個名，仲竟然記得我讀緊社工！好驚喜！
好開心，終於成功抵步！搵唔到Rachel, 見唔到maymay, 個場咁大咁多人！冇所謂啦，心意相同就可以啦！~
不過，可能今晚根本唔值得人開心……因為六四。
成晚最有意義係開頭o既默哀環節，對死難者、被迫害者，深切悼念、婉惜。
如果我係天安門母親，我唔覺得我o既仔女o既死值得……係我自私。天下為人母親之情嘛~ 矛盾o架~
總叫做由頭到尾參與晒成個晚會，真係好enjoy！
八萬幾人，仲有冇真正入場地o個o的呢，包括我！

原來我出席o左畢業禮都唔夠五分鐘，不過總算見過o的阿Sir，好佢o地吹水好開心！
去唔到校友會gathering, 食唔到William請o個餐，哎呀！不過都值得！
又可以返學校又可以去六四，簡單perfect, 我好幸福呢！
第一次去燭光晚會。

o係巴士傾得好開心，好似以前一樣。
Simon話我似三色雪糕喎，哈哈哈~ 基基話我Danso. o架！阿烽話一定係台柱！
嫁唔出？冇可能發生o係我身上呀！

最後去食o野，我淨你好多餐，一碗糖水遮~

返到屋企，十二點幾。
仲要執o野聽日入camp，期待。

林振強：
每個願打的人背後，都有一個願挨的人。