幸福車厘子　一個傻社工 每個人　都擁有一個夢 即使彼此不相同　 能夠與你分享 無論失敗成功都會感動 愛　因為在心中 平凡而不平庸　 世界就像迷宮 卻又讓我們此刻相逢 ＯＵＲ　ＨＯＭＥ If I know what love is, it is because of you.

225愛的鼓勵 1訂閱站台

訓o左十粒鐘，好耐未試過訓得咁爽囉！

好開心！下午先Field Lab.~
等媽咪起身，十一點幾先飲茶，之後去埋惠康買杯麵返工食，^^！

美樂原來冇59X o架喎，我真係唔知喎！
搭59A去到深水(土步)，因為唔想遲到而振興的士業！
遇到好好o既巴士司機，冇慊我煩同低能咁教我路，仲車埋我去轉車……
又有幾好o既的士司機，起碼冇兜我路，而且冇慊對我呢程做$15 o既客黑面……
香港好多好人o既！

準時兼早到，下午2:59到中心，撞到Karen, 點知上到去得小貓三四隻……
Maggie都遲到幾個字！
是但啦！我冇遲就得啦！

一開始探o既係一家四口住套房o既綜援家庭，隊員有我、Kitty、烽、Rachel。其他兩隊去探南亞裔婦女同單親家庭。
諗住佢o地會好內斂，好多抱怨，不過個太太出奇地好客，講o野好clear，好好！加上佢好樂觀，好知足，好愛o的細路，當然都有好多隱憂。

蜜組去o左食拉麵，又多o左一個「笑話」，有空間有空間！

夜晚洗樓，樓下好多「架部」，通菜街。
美觀，同Kitty俾狗吠，好在最後都同到Sara、Ivy、Kitty、Angel入到另一間婆婆屋傾計，原來靠執紙同罐都有千幾蚊一個月~ 原來seven會將o的到期o既o野食同報紙俾婆婆~ 太好啦！但係婆婆有老公有仔，又有孫有侄，好多o野應該係因為習慣。

金達，幸福之家。
但係第二家係中過風o既婆婆，好在行得食得，仲要照顧個孫。伯伯o係屋企車衫，有仔有女，我覺得最重要一家人一齊，生活艱難都愉快。
學阿May話齋，搵食艱難。
尤其o係香港地，每個人背後都有自己o既故事，你又知幾多？

時間過得好快，咁就一日。
落手落腳做o野o既時間唔多，頭頭尾尾三個鐘都唔夠，冇咩特別體驗，不過都係一個好難忘o既經驗~
有得返屋企，好開心！

阿May琴日帶細路Group, 好頑劣，佢懷疑佢o地有暴力傾向喎，哈哈！
Liplip今日o係利民會帶精神病復康者，唔錯。
每組都去唔同地方做，可以互相交流一下，呢個安排都唔錯！

有緣人。

鬼才林振強：最戇居的水上活動，就是一個人跌進愛河。
哈哈哈哈哈哈~