幸福車厘子　一個傻社工 每個人　都擁有一個夢 即使彼此不相同　 能夠與你分享 無論失敗成功都會感動 愛　因為在心中 平凡而不平庸　 世界就像迷宮 卻又讓我們此刻相逢 ＯＵＲ　ＨＯＭＥ If I know what love is, it is because of you.

225愛的鼓勵 1訂閱站台

冇去唱K，因為唔想晏畫出街，哈哈！
愛半自閉。應該係睇時段選擇性自閉……嘻！衰衰~

同媽咪飲完茶，媽咪就要返工train賭波。
我一個人行去買飯俾阿姐，個感覺幾好，好鍾意我o既社區！

同翠如ICQ，開心！好耐冇一齊玩過啦，期待我o地個年度camp, 我連ICQ reminder都出埋o勒：
歡迎你加入2004瘋狂夏令營！
地點：西貢户外康樂中心
日期：6月12日、13日
節目：神秘......
瘋狂份子：Arome營主(包括可愛Cherry、禽流雞雞、世界冠軍Ruby、青春Hilly)、勤奮小寧、狂野Fion、低能Sandy、友情客串程詠詩、純情翠如+瘋癲柴柴、神秘Yannie、未知煒煒

睇《安娜與武林》，果然夠爛，o岩晒唔想用腦o既無聊WingWing~ ^^

叫做起o左校友會份稿~
思恩，唔好意思呀，我真係唔記得晒o的訪問內容啦！所以寫得好少。

好開心！可以睇到《小魔女Doremi》同《忍者亂太郎》！

幫部腦醫一醫，哈哈，又開心！

依然因為筒薯片掙扎o左一日，繼續戰勝！好討厭呀！快o的搵人搞掂佢啦！ !_!

夜晚，同雞雞去豆漿大王食上海菜飯同麵，我第一次食咋！之後同埋小寧睇《史力加2》，開心！好睇呀！
雖然始終係第一集有感覺o的，不過第二集都真係唔失色呀！
睇《史力加》發現自己都好care人o地靚同唔靚，庸人……翠如都因為史力加外型唔吸引冇興趣睇啦~
同唔到Carmen同Ringo食飯，好想見佢o地，但係趕唔切……唔怕，下次約。

買o左車厘門廉，超級超級靚，唔住宿都要買，好開心！
好想快o的搞搞我個room, o的mood返o黎lu, 就聽晚啦，哈哈哈！

《升中伴我行》導師人數初步firm, 十個多o的，好理想！唔太多又唔太少，好！多得區耀幫手呀！thx a lot!

十一點幾返屋企，都算乖。^^

覺得因為玩得太多而要休息，休息完之後又再出去玩，咁o既人生好頹廢呀！
以前日日不斷冇假放都捱到啦，又唔會死o既，依家實在太奢侈啦！
不過呢o的生活太正啦！俾我玩多一年咁多丫！

哎呀！突然醒起小同聚，唔知今個暑假可唔可以實行呢？
我仲掙朋友每人一條頸巾呀！得liplip有咋喎~

我發現我每日日記都有好多個「開心」，好開心！