二十二號，改返早工，0845-1400，好好！
意料之中，朝早o的時間好使好多，充實晒！
晏晝放工即刻仆返屯門開校友會，我係真心想到o架，睇我咁趕就明啦！
竟然返到去有人未到。
順順利利！
時間又o岩o岩好，一開完會gather 7A人，出發入梅窩！
一路入去o的境都超靚，太陽開始落山咯~
期待Fanny之興奮！
終於到啦！六點幾~
第一次去梅窩另一邊，由碼頭行o左幾個字，去到海濱渡假屋，我o地間屋！不錯丫~
決定唔BBQ，出去食飯。首先去百佳惠康掃零食，仲有香蕉~
Fanny同智遠九點到，齊人啦！
電視播異度空間……
四個女賭徒不停鋤D，都唔顧人感受o既！唉，賭令人亂性……
玩大話牌、指人、o砰o把嘩、拍七、killer，最好玩竟然係有口難言！一堆頹game~ 我都有o的責任~
非洲話事啤，主使Simon去7-11買雪糕，最後自己輸埋，自作自受……哈哈~
冇計，我都意識到自己最細要換牌o架啦，點知換o左仲衰，整定實輸！
二十三號，凌晨十二點幾，個天已經黑到……又多曱甴又多狗多昆蟲……探險……唔驚o個o的o野而勁驚有壞人！
哼，出去行o下都不知幾好~
咪share o下囉，Simon o的見解好o岩，同我好似呢~
我發現我o地都好多o野講，好似一程小巴咁，都可以有一打o野講，太了解了。
李錫，生日快樂！
兩間屋，智遠應該俾一間錢，得佢一個訓晒成間喎！
傾計傾到五點，話就話睇日出，o係天台俾人迫攻，都係落返屋迫攻班男仔好過~
最後不知不覺訓o左……都睇o左一眼日出o既~
小雯同阿rie竟然天光仲o係度大聲講細聲笑，訓得兩個鐘！小雯唔好唔舒服呀！
我訓o左四粒鐘，訓到九點幾，精神！
幫五月份生日o既幾個男仔慶祝埋生日，切蛋糕，雖然頹o左o的……我又對住人o地個蛋糕許願~ ^^
盧少、智遠、陳浩然，生日快樂！仲有JoJo~
check out之後食o左M記o既新脆雞腿飽，好味！
跟住又出發去大澳！
上一次去都好似係半年左右o既事，所以都冇咩興奮，想去想唔去，不過同唔同o既人去玩o下都好！一於去啦！
有機會一定要同liplip、rachel去一次！
大澳之旅，多o左Winnie同JoJo join埋我o地，可惜Sandy o黎唔到……
大家食燒魷魚、鱔片、芝麻砵仔糕、荳腐花。
去冰室食水餃麵,、多士、紅豆冰……
照例買茶果同雞屎縢俾媽媽，要甜o既~
不斷映相，廢珊部機冇電我補上！
三點船，都係o岩o岩好，返屋企！
Promote埋校友會，四點已經返到屋企，yeah!~
天氣好好，又冇落雨，都話個天錫我o架啦！thank you~
記得上年本來已經去o左一次camp, 可惜因為落雨cancel……
今次我冇屈服，好好彩！都係博o架咋！
多謝廢珊最後稱讚我同招招搞o既行程呀，好安慰~ 大家都要有心投入先得o架~
其實一切都好趕，我都冇準備過內容，唔好意思呢。有咩不足，下次再搞過！
一度覺得安排錯o左，覺得少人好o的，但係多人都有化學作用o既，最後都好正！慢慢o黎啦~
可能唔係個個都勁熟，勁close, 有唔夾，有意見分歧，有口難言……我接受唔夾，邊有可能個個性格一式一樣o架，要respect 嘛！最重要最後大家都玩得開開心心！相處多o左之後愈來愈close！
總之好開心可以聚啦！講o左兩年o既終於安成o勒！
希望星期二晚o既聚成功啦！
返屋企即刻有一碗好足料好好味o既湯送上！
今晚齊人食飯！媽咪話要煮新鮮o野俾我o地食而買o左隻六十幾蚊o既雞。
(已經平o左，上上次八十幾，上次七十幾o架~)
好幸福~
學識去玩係recharge而唔係只係energy output同應酬。
我愛上了空氣，他無色無味，看不到，捉不住，可是卻無所不在。
文章定位：
１１月２０日 總有天使, (悄悄話)