幸福車厘子　一個傻社工 每個人　都擁有一個夢 即使彼此不相同　 能夠與你分享 無論失敗成功都會感動 愛　因為在心中 平凡而不平庸　 世界就像迷宮 卻又讓我們此刻相逢 ＯＵＲ　ＨＯＭＥ If I know what love is, it is because of you.

225愛的鼓勵 1訂閱站台

今日同到媽咪飲茶，仲見o左好耐冇見o既余太添~ 哈哈~
個腦突然響起《你有心》~

返o黎終於睇o左《衝上雲霄》o既大結局！~
「如果係，你心裡面一定知。如果要去搵個答案出o黎o既，咁就即係唔係啦~」
阿Sam同阿Belle o既關係太完美啦，不過我信現實都得o既！~ 不過Zita佢o地就難o的~
「無論緣份長定係短，我o地都曾經擁有過。所以我可以心平氣和、積極樂觀咁生活落去~」阿Belle終於諗通o勒~
我覺得會出續集囉，如果吳鎮宇肯拍o既話……

之後出沙田做義工，廿四號平安夜做義工，好有意義，好開心！
出去之前去客務中心拎返張八達通，但係因為前面有一個惡人有唔知咩關於八達通o既麻煩，counter又得一個人，搞到條龍超長！我實會等到o架~ 等o左兩個字度條隊終於郁返，點知正正前面o個個買直通火車飛，又等，大佬呀！趕時間o架……不斷叫自己冷靜冷靜，遲o左都冇問題o既，有方法o既~ 最後梗係遲到啦，好在一早備定案叫o左Kimmi幫我同佢o地去，唔該晒！~ 今晚創薈坊開Christmas Party, set完場之後好快就開始，同精神病康復者相處，佢o地比我想像中正常，不過同我o地都係有o的唔同，我覺得自己可以再做好o的o既~ 個function好成功呀！好好o既一次體驗~ 之後同莊員扮鹿扮天使映即影即有，係咁用人o地o的films，Andy扮聖誕老人~ 諗諗o下支莊有呢個男仔都幾好，佢細個得o黎都幾好笑，又好玩~
開E o既時候Amos講o左兩樣o野好想記低，好有point, 第一樣o野係insight-病識感，唔講出o黎o既先危險；第二係其實好多clients都只係想你俾時間佢，唔一定要俾個心佢，時間耐一定感受到，你俾時間佢，佢反而俾佢個心你。醒起Dino琴日講過佢唔一定可以感受到個client感受o既o野，不過會盡量聽~ 又學到o野！我好似要做晒o的中心咁，哈哈，真係好開心，但係我都知我做得未夠好……我o地拎埋人o地o的螢光棒，哈哈~ 跟住同莊員第一次o係街報佳音(雖然我唔係基督徒……) ，一路回程一路食栗子~ 都幾融洽幾好丫~ hehe~ 沙田聖誕佈置得好靚呀！周圍都係燈~ 新城市有magic睇呀！好high 好抵呀！今個聖誕我去o左好多個商場o勒~

返屯門meet思恩、招招、招妹、Fanny、廢珊、Ivy、小琼，仲有好耐冇見o既林淑雯！佢o地今日打牌~ 思恩走o左，我偷食漢陽苑o既雪糕、紅豆糕同紫米糕，一般遮~ 預售唔到，好快就返屋企o勒~ 我知廢珊同林淑雯冇得出去好失望，又幾頹o既……今晚油尖區有四十萬人呀，好玩呀！返屋企之前o係樓下同Fanny同招招映相，總算有o的收穫啦~
未同到Fanny傾計，我未share o架~ Fanny, 盲o既都知你唔開心啦，仲要係我喎，一眼就知啦~ 連咩原因都估到添呀！勉強唔到o架，要相信「為了明天，今天要活得更好」，我都學緊，好成功o架！~

liplip, 又話唔出去玩o既，車~ 但係玩得開心o的啦！~ hoho~

有買佢o既衝動，不過都未買，進步o左~

車厘子指數：9粒車厘子