話說 TG 逢三﹐四都要返工。而每逢禮拜三我都會做“經理”呢個崗位﹐
所謂o既經理並非大家心目中o既manager,而係“經過都要理”o既簡稱。
我開始做經理都有好一段日子﹐我仲記得第一次做經理o既時候o岩o岩係假期﹐
o個日超多客人﹐我超多o野做﹐咁o岩又係最賤o個個肥佬經理返工。(呢個經理係堅o架)
我呢班咁o既同事真係可以用恰得就恰o黎形容﹐而我就係逆來順受o個隻。
咁o岩o個日又好多人要我幫佢地執手尾﹐o個日係我第一次做經理﹐完全唔知道經理要做D乜﹐
當時雖然我一直幫佢地。但係心裡面就諗“點解我要幫你班八婆﹐又唔見你幫下我。
不如我幫埋你地收薪水﹐幫埋你地洗錢﹐好唔好﹖”
結果﹐我終於渡過漫長o既一日﹐好彩o個日係假期﹐我地有double pay﹐咁我條氣先順返D。
而有幾個禮拜三﹐其中一個waitress都會叫我幫佢睇住個section,
因為佢一有三急﹐佢通常一去去起碼五分鐘﹐仲要唔止去一次。
出到o黎做o野﹐我先深深體會有咩o野叫懶人多屎尿。
有一次﹐我無好好咁幫佢睇實個section, 結果有個客好搵唔搵﹐搵老細幫佢落單﹐
老細就打鑼搵o個個waitress出o黎﹐o個個waitress俾人鬧之後。。。就鬧我。
你話幫人喎﹐幫人仲要俾人鬧。
不過今日同一名waitress偷食﹐咁o岩老細去裝飯﹐咁o岩就撞到正﹐
老細仲好風趣咁問佢夠唔夠食﹐笑死我。
當時我o係附近﹐不過我地老細唔知係咪識輕功﹐我一轉身就見到佢。
想提醒佢都o黎唔切﹐更何況唔係真係咁想提﹐哈哈哈哈哈哈哈哈哈哈哈哈哈哈
講返今日(二月十九號)﹐今日係禮拜三﹐即係我做經理o既日子。
由於我做經理越來越做得得心應手﹐所以我都會本住幫得就幫呢個觀念做o野。
而且唔係假日﹐其實做經理都好空閒﹐但係個個見你得閒都要你幫就最得閒都可以變到最忙。
我今日本來都好忙﹐但係依然有人叫我幫手﹐我見我同佢都咁忙﹐未幫得就幫囉。
咁。。。唔知算唔算患難與共呢﹖佢忙到九彩都要幫人“羅”冰水﹐結果就叫我幫手。
而客人要四杯冰水﹐因為我自己都好忙﹐諗住一次過“羅”四杯出去﹐唔駛走兩轉。
咁我就一隻手“羅”三杯﹐另一隻“羅”一杯﹐“羅”到去台度我先放低一杯﹐再從三杯裡面一杯一杯放低。
意外就係呢度發生o左啦﹐當我“羅”走第一杯o既時候﹐另外有一杯失去平衡。
事原其實係我自己D手指控制唔到D杯﹐o係個杯未倒落去之前﹐我超快作出反應﹐想用我另一隻手去扶穩o個隻杯。
結果就係。。。。
第一隻杯救唔到。。。都唔緊要﹐最慘係我另一隻手(右手)本來渣住o個杯冰水﹐
因為我反應太快﹐個杯o既水亦都順住向左手o個方向倒出去。
最o岩就係台上唯一一位男食客所坐o既位置﹐當然佢成身濕哂﹐
最奇怪o既係個男人一D反應都會﹐避都無避﹐好似暗示緊“淋我啦﹐繼續淋我啦﹐出行力淋我啦”咁。
其他三位女食客隨即大笑﹐本來叫我幫佢o個位waitress走埋o黎想幫手﹐幫幫下都笑埋一份。
位男士見咁多女人笑佢當然好興啦﹐俾我都興(所以我用冰水﹐等佢無咁興)﹐
佢興之餘仲起勢咁啤住我。我feel到D殺氣﹐道歉同清理完後我就繼續做自己野。
個waitress叫我回避一下﹐唔好再俾佢見到我﹐我結果都無避到﹐因為。。。。
我係無心o既﹐有心o既我就唔會搞到自己都濕埋啦。
佢之前響條炒飯發現o左條頭髮﹐再加埋我幫佢沖身﹐足以令到經理請佢食飯。
我諗經理唔駛佢地俾錢﹐佢應該會無咁興掛。
不過今日真係好黑﹐我唔係話我﹐我話佢呀。哈哈哈哈哈哈哈哈哈哈哈哈哈哈哈哈哈哈
文章定位：
