【2008年02月18日】奇蹟＠＜whyim＞｜PChome Online 個人新聞台

2008-02-18 21:08:08| 人氣59| 回應0 | 上一篇 | 下一篇

【2008年02月18日】奇蹟

推薦 0 收藏 0 轉貼0 訂閱站台

昨日竟然沒有失眠....真好...

因為每次跑完長跑都會...hahaha

但雙腿好似無敵鐵探長咁”唔識郁”

好鬼好鬼酸軟坐低起身都感到困難...

帶住個護腕吉下吉下咁行....無法

男丙擲鐵餅真係唔係人咁品

好不容易才到下午...本應下午諗住食雙包同飲下野就算

點知都係出左去食

仲食得好heavy...一個吉豬大湯面

已經吉下吉下仲食得咁heavy..實跑唔郁啦

heavy lunch before running is not a good idea

of course, i have...

真係做蟲仔

只好”監粗黎啦””致死方休”

”老抽””中途上岸””俾人拖出場”一早預左

誰不知竟然出現奇蹟

唔知點解一落到運動場我就”創病皆起”

原本肌肉的疲勞疼痛都一掃而空

本來吉下吉下架步伐都變得暢暢起來

唔知係唔係之前跑半馬慣左...一開始就有個壞毛病就係見人過人

一路係咁去...估唔到越跑越有

不知不覺的由頭帶到落尾

其間最辛苦係lunch太heavy...反胃好想嘔出黎

到最後一百米其實仲有貨...但係見後面無人衝上黎

又唔好玩...等後面衝上黎已經係五十米啦

咁好玩...後面衝我又衝下啦...

我諗下好唔好”渣溜攤”呢...都係唔好啦

由頭帶到尾但最後拎第二好樣衰架...去埋佢啦

gary就跑第四.....hahaah

我地呢d老弱殘兵竟然會拎到名次

真係”日日有希望””天天有奇蹟”...

我諗好多人估唔到我會拎第一...因為連我自己都估唔到

其實真係覺得自己好似有d烚”靚仔”架感覺

不過我又諗應該係d”靚仔”烚我地d老弱殘兵先飱...hahah

完賽後...我諗我應該著見普照衫跑

因為上面睇落去個個差唔多...認唔到架...

但係個個著白色我著黑色好礙眼呀...真係蝕左

最估唔到我竟然都有獎

我都係諗住玩下...我地d名次係唔計架...點知要出去領獎

仲要係一隻杯...

思想在開心同不知如何間游走...

不知不覺的低下頭來...到拍照時舉高頭影完即閃

你問開唔開心呀...當然開心啦...但係又好似烚靚仔咁

感覺好怪

中學時代從未試過得獎...亦未曾忘想得獎

點知今日竟然發生了...真係遲來的獎

唔知點解除左出世早左三個月外

我咩都遲頓過人架...連獎都係咁...hahah

我奪去了亞軍同季軍的夢想...

因為我不自覺的拿了第一...哈哈哈

時也命也...

有人話我係度試緊我自己架極限低線係邊

可能都係....不過可能我永遠都無低線