【2007年06月21日】既來之則安之＠＜whyim＞

2007-06-21 19:44:59| 人氣103| 回應0 | 上一篇 | 下一篇

【2007年06月21日】既來之則安之

推薦 0 收藏 0 轉貼0 訂閱站台

昨日放學俾人問要唔要賣／買書。嘩哈哈．．．．．．你話我好ｌｏｕ定好笑。

今朝諗住早D坐九仔，點知豬車又到。豬車仲要裝埋八達通喎。諗住佢會係南田總站，點知係觀糖。仲要俾豬車叔叔叫落車，好瘀。

12:15就走人，坐車車去準備考呢個IT TEST。我完全唔知係去邊度考架，只知道是在CU某一個角落，好彩同事學儀又要去考，所以我唔駛搵路。HAHAHAHA
坐火車去大學其間，忽然外面風雲色變下起大雨，呆左。因為大家都無拿雨傘，眼看窗外雨越下越大，不禁憂慮起來，唯有既來之則安之。打電話問阿華油塘有無落雨，無。點解會咁。
本來打算到大學站坐的士上去，點知我錢包裡的四條紅衫魚無左。（魚不但可在水中遊，還可在天空飛。四條魚就咁不翼而飛。）只係得返幾十蚊係度。而學儀今日張提款卡唔知點解密碼唔啱提唔到款，佢身上現金仲少過我。得十幾蚊左右，嘩哈哈。唯有既來之則安之。

好彩去到大學站，天朗氣青，無雨。去到山腳仲即係有車車唔駛等。坐到唔知邊個站就落左車。原來佢都唔熟路，不斷咁搵，仲遊左個花園添。都係果句來之則安之。反正仲有時間。

好不容易才找到目的地，但是我到ｃｕ那麼久也沒有去過這地方，我像遊客般不斷拍照，仲俾人笑，陰公。

ｉｔ　ｔｅｓｔ我留守到最後一刻，結果點樣，唔知喎！我唔想再遊多次花園。都係果句既來之則安之。

考完後，我就用餘下的幾十元銀兩去買左三個下午茶餐食，不過我只係食左一個，睇唔出學儀咁犀利一個人可以ｐａｒｔ兩個餐。食完我就返歸啦。

坐火車途車，從電話得知今個星期澳門之旅可能爛產，因為熙熙話有急事要返大陸。你無法，都係果句既來之則安之。

跟住返到屯門諗住交埋個住址証明上面搵個FD食飯，點知去到佢話我知佢已經食左，哈！真係老土......交完野唯有返屋企，今日媽媽過左大海遊玩，無野食。

返屋企開唔到個大門，以為咁黑，點知我一腳就踢開左佢啦。咁樣都算順利返屋企呀。

但係算唔算黑就真係好難講啦。

今日就係一個既來之則安之的情況下結束。