【2007年03月31日】新成員＠＜whyim＞｜PChome Online 個人新聞台

2007-03-31 20:16:36| 人氣63| 回應0 | 上一篇 | 下一篇

【2007年03月31日】新成員

推薦 0 收藏 0 轉貼0 訂閱站台

左邊果隻係舊成員ｍｉｍｉ，牠樣貌似富貴貓。右邊個隻係屋企架新成員，呢隻衰野架名叫做甘桔。兩隻身世都有一段小故事。而且就最要的是得到我媽咪的歡心。
唔好睇少右邊呢隻粉果。
係短短數月間佢做個架衰野令我感慨萬分。
牠剛來家不久，就送了一份見面禮給我。
就是打破了一枝魚露，而且還在家中不斷的亂闖。結果當我一放學回家時，看到家中的情況，誰不憤怒。然後就係洗屋的時候，仲要俾d破璃碎割破了指頭，怒火中燒的我少不免打了牠兩下。
結果數日，牠就在我上學時在我的床上回敬了六條飯團。
真係，果幾晚都唔想逗留係張床度。
所以千期唔好得罪ｄ貓，同唔好得罪女人及小人一樣。因為他們一樣的狠。
跟住就係玩野之作，每日都掃塌我書桌上的東西。
晚上不斷的跑馬仔(跑黎跑去)難以入睡。
大小二便總不能一次過，總要換沙換四五次。柯篤尿要分上下集；柯篤屎仲大獲分上中下三集，一唔同佢換，就一二三踢d沙出黎，玩死。
近期仲甘，因為媽咪同家姐都去了日本遊玩。屋企兩隻粉果好明顯要由我全權負責。
換大小二便事小，晚上搞事事大。
忽然間牠們總愛零晨一兩點來大小二便，而且係好似輪更咁不斷交替，同佢地換大小二便都換左成七八次，雖時成半個鐘，唔好以為就咁可以有覺好訓。
柯得輕輕鬆鬆就小不免跑動一翻。兩隻粉果不斷跑馬仔。你追我閃。
咁都唔係一個大問題。最大問題係玩到上我張床。
忽然間一隻粉果，跳上我心口，即刻紮醒又嚇醒。rem完全不足。
隻白貓跳完到另一隻又跳。好似同我安摩咁。但係大佬呀夜晚晚,,安咩鬼摩呀！我要訓。然後我就會起身破口大駡，安寧一會又固態覆萌。真的每天都有想死的感覺。
一係就夜嗎嗎係我個頭到走黎走去，一野就踩落我塊面度，完全唔理我感受。
一係就一二三坐落黎我個頭度，真係想死。
然後，有一次看到隻柑吉跳上櫃頂，櫃頂上有很多泥公仔及玻璃物件，看到牠己經掃塌了一些泥公仔下來，小不免心急想趕牠下來，一踩張軟椅。整個人跌了下來四腳朝天，陰公。此時牠就絲絲然的跳下來。過來聞我兩下，就絶跡而去。隻腳就咁（手另）下（手另）變左名正言順的破豪。
真陰公...但無辦法佢係我媽咪架新寵.......

我要檢舉

台長： whyim