我倒想看看
自己能堅持多久
到什麼時候會對現實低頭
做這一份工
我知道 首要是心態要調整好
沒有高薪厚職 沒有朝九晚五 沒有周休六日 斷六親嘅返工時間
不再是一個office lady 放下無謂的所謂身段 體驗不一樣的工作/生活
2010/10/6
第一天上班 掃地拖地抹桌子 連厠所都要洗埋
番工無耐攝影師一邊執相一邊大約咁教我點執法
老闆娘說 不用出去影相的時候 要幫忙招呼客人 要幫忙打電話 要顧店 要幫忙整理樓上上百件婚紗禮服 要做埋出納.....
第一天 沒什麼工作 只系行行企企
2010/10/7
第二天 說好要把新入的禮服婚紗為人偶穿上 再用傻瓜機影低佢~第一次學同d公仔著衫~好新奇~哈~
不過我也發現 原來自己除了辦公室以外的事情 就什麼也不會了~
不會招呼客人 不會幫公仔著衫 不會用吸塵機 不會縫縫補補 也不懂配搭飾物 唔夠圓滑 唔夠醒目
2010/10/8
今天在店裡碰到一個中學同學
我招呼了她一陣子 她第二次進店裡我們才相認
雖然這樣的碰面 感覺怪怪的....
我還是很衷心的祝福了她
星期五 店裡很忙 來了很多客人
今天第一次學幫人穿婚紗 ......嗯~看到好多半裸體....好害羞喔>___<
原來婚紗真的很重很重.....
老闆娘脾氣不太好~不過對我們還算客氣~
2010/10/9
澳門真系好細~
今日星期六超多客~
正當大家都忙緊嘅時候~有對客人走入黎~
咁我唯有硬住頭皮咁去招呼佢地坐住先~
個女仔望住我~我都覺得佢好熟面口~
跟住頂到老闆娘得閒我正打算企埋一邊學野之際~
個女仔仍然望住我欲言又止~
老闆娘都覺得奇怪~問佢做乜~
跟住佢就問我系唔系响xx學校做過~
原來佢系我之前個學校嘅幼稚園老師~
仲當住老闆娘話~"你之前响學校做文職架0麻~影相好靚架0麻..."
哈哈~我即刻"噓....."對佢笑笑~即閃上樓幫客人換衫~
聽到佢講呢句，其實我心裡覺得好無奈....
我影d相你真系有睇過咩?還是只系聽校長當住大家面咁介紹我咋....
嘿~我還聽說過校長在別人面前是說我拍得都很奇怪呢~
我很清楚 我來這裡是想好好偷下師
影相又好 搞婚禮又好
所以就別抬高我~低調低調.....
原本以為星期日可以跟出去影相學下野.....
點知.....老闆娘話店裡人手唔夠
只可以讓我夜晚婚宴的時候跟去....
本來滿心期待可以跟足一日.....點知減半....心情跌到落谷底....
開始懷疑 動搖.....老闆娘該不會忘了
我應徵的是攝影助理 不是門市吧~
來了這麼多天 只教我做門市的東西
門市的制服也給我一份.............
攝影師人很好
幫我問了兩次 可是還是沒辦法
自己生悶氣一個晚上....
有過放棄的念頭......
但是 如果什麼都沒接觸到就放棄 我又很不甘心
還是 只是我自己太任性了?
2010/10/10
這一天太概是太多人結婚
到下午都沒半個客人來
老闆娘去了化妝 攝影師去了跟新人影相
我跟其他同事在店裡沒什麼事情做
今天一整天天陰陰 雨下個不停
不知道 攝影師那邊怎樣呢 下雨應該很狼狽吧~
但是我並沒有覺得很慶幸自己可以安逸咁坐响店裡....
還是有點失落.........
到了下午四點多 老闆娘回來了
按約定她帶我到了晚宴會塲
新娘新郎還沒到 攝影師都還沒到
她帶我去看人地佈塲
觀光塔有兩個塲 今晚都有人擺酒
老闆娘一眼就可以睇得出系邊間嘅佈塲
會直接問大"妗"姐同埋佈緊場嘅花店工作人員攞卡片
果然系老闆娘!
她跟我說 這個行業就是這樣 會睡眠不足 會食無定時 去到邊就食到邊
下午4點多 她還未吃東西 只是早上吃了個泡面到現在
然后隨便吃了個觀光塔樓上的難食熱狗就算一餐
新娘到左 老闆娘忙住同新娘化妝
我站在一邊隨時候命等幫手
只是企的時間比較多 哈
我還真的不夠醒目 化妝的東西 我真的一點都不懂
攝影師終於來了 我跟出跟入睇佢影相
佢教我打燈 仲叫我一陣新人入塲果陣要幫手响佢對角方向打燈....
7點几賓客陸續咁黎....攝影師"琴"高"琴"低咁影大合照....我都系行行企企响旁邊望~
影影下...........狀況一來了=.="
后備電無電.....
然后我就當了個跑腿飛的番公司搵佢個叉電~
攝影師臨危不亂咁點我番公司拎之后繼續好淡定咁影相....
而我 就慌慌張張咁衝到番公司....都搵極都搵唔到佢個叉電=.="
真系心急死我啦!
即刻打電話問佢~打開曬d櫃門終於比我搵到!
即刻飛電單車番觀光塔~
狀況二
到了新人換衫準備進塲啦~
我同老闆娘在新娘房做野
攝影師都入埋黎影下準備出塲的花絮
準備好曬準備出去啦~
呢個時候 攝影師都比埋支燈我 set好曬d野跟住新娘走出新娘房之際
酒店負責新人房個經理突然話
要搵個人留响度 因為無鎖匙
重點系望下房入邊 一個姊妹或者親屬都無响度.....
然后新人同老闆娘都走左
攝影師同我响后面 你眼望我眼.....
攝影師仲對住新人同跟住去拖裙尾嘅經理方向大叫...
"咁我點啊?我地要做野喎!!"
無人理我地.....咁佢要去影相
我只好好無奈咁比番個閃燈佢叫佢出去做野啦................
唉~有點可笑的畫面......
當我在后台旁邊新人房門口望住外面嘅熱鬧塲面同埋忙出忙入嘅攝影師同老闆娘.........我真的很想撞牆!!!
點解會咁架!!!!!!嗚~~~
然后等到開始上菜啦.....都仲未有人過黎.......=.="
好彩攝影師都仲有番d良心 食食下燒豬都仲記得番黎叫我出去食野.....
搵酒店d人搞掂個新娘房@@
老闆娘同攝影師無乜點食野
忙住敬酒影相 忙住同新娘換衫換look
搞掂埋最后一個look 老闆娘番黎食左d野就話入去執埋d野走啦~
呢個時候 已經十點多 攝影師仲忙緊影大合照
我都系同老闆娘執野走人
老闆娘在車上 問我 很喜歡拍照嗎?
我下意識咁答 是啊~
她說 台灣現在很多女攝影師
過了一陣子 又說 在我們公司會有比較多的機會....慢慢學 不要心急...
我禮貌性的"嗯~"...應了一聲~
聽進去了
其實 來這裡並沒有抱多大的期望與抱負
最初 只是好玩的心態
那 現在呢?
我問自己 會不會有什麼改變?
我不確定 什麼都不能確定.....
這個行業 到現在為止 還是很新鮮很好玩
在店裡的日子多無聊 面對客人多無助
等到別人結婚的日子 能參與其中
就覺得很有意思 很幸福 :)
我答應過爸 不會把它當職業的
能做多久 我不知道
文章定位：
人氣(2,100) | 回應(5)| 推薦 (
0)| 收藏 (
0)|
轉寄
全站分類:
不分類
