畢左業兩年有多~
豬十班澳門D同學仔雖然平時成日有聚會~
今次加埋HK~人數雖然都無平時聚會咁多~
但系今次活動都尚算順利落幕~
總覺得時間過得特別快~這個不夠24小時的相聚時間~
兩年無見~肥左又瘦左....入住青年旅社的好處就系可以重拾當年宿舍的時光
一行9個人 一見面開始就嘈喧巴閉~笑話爛gag都出齊~
我地"夜媽媽"出去做自由行~行行下原本話打的搭巴士唔知點解無左件事~
憑住某人的方向感 尋找著名的珠海漁女像....
結果 走了一段好漫長的情侣路.....終於到逹左....海邊=.="
吹著海風踏著沙....我地大玩影相"遊戲"~用電話試著寫字~
經過多次失敗之后~"LOVE"成功出現~"MJ"都越寫越靚!哈哈哈~
原來呢段路真系好長好長~行左好耐好耐~
行到我地由"仲好飽"到個個都好肚餓....所以決定番去覓食先～
出發果陣我地經過好耐無見的兰州拉面~我仲好豪氣咁同11講:喂~今晚打包大盤雞番去做宵夜囉~圍祺响旁邊聽到仲話我~做乜成個男人咁豪氣~要唔要黎多打啤酒添~哈哈哈~~好可惜~我唔飲酒架~
唯有折番覓食~番到渡假村附近一間野食餃子~
間野餃子又真系幾好食.....之但系~其他野都唔好食囉=.="
所以大家一齊陪我食羊肉串~打包宵夜食大盤雞~YEAH~
間渡假村D服務幾好~連青年旅社都有車在渡假村內接送~
我地揪住兩大盒大盘雞~原來諗要唔要去附近唱K呢~點知打去問只系到2點都勁貴~
咁唯有番去"宿舍"玩UNO啦~
好耐無見~呢一晚~我地玩UNO~鋤D~X烏龜....仲有精采的大X罰
累了....明明一人有一個床位~都兩個人迫埋一張單人床度~
傾近況、傾理想、傾煩惱、傾心事....
阿娟話我嘈住佢訓教~我叫佢過番佢張床度訓又唔肯~
無計啦~好似好耐無搵人傾偈~一傾開就雞啄唔断...哈哈哈
就算系响澳門成日見住~都唔會有咁樣的時間同氣氛X足長談....
第二日 我地繼續完成我地尋找漁女的旅程~
我仲食左好耐無食的"笨面"~順便食埋個蒸餃同冰綠豆~
唔知點解~都系覺得珠院門口果間好食D~哈哈
因為晨早溜溜唔系咁多人想食咁""的笨面做早餐~所以滿足完我的願望之后~決定再去漁女附近覓食~原本以為景點附近應該會有食野的地方~
點知打的到逹目的地之后~見到的漁女像同平時搭車經過見到的沒兩樣~
又曬又熱之下~影完張到此一遊之后~我地臨時又打的折返去左金悅軒飲茶~
兩個鐘之內食左兩餐.....好滿足啊!!
食飽飽我地又出發去漁女附近的景山公園登高~
實在太耐無做運動啦~行到上山頂~我地究竟停底休息左幾多次呢~
行下行下我仲要行到最慢~連著住涼鞋行得好辛苦的薜BB都行得快過我～哈哈
行到上頂～第一時間買左支綠豆冰條食～爽啊！！
佢地搵到個景好靚的靚位嘆茶玩UNO~我坐埋一邊嘆茶觀戰~吹住山頂好舒服的風小睡片刻~
實際上訓左有几耐我自己都唔系好清楚~當阿娟由UNO開始輸到落鋤D之后~我剛好訓醒見証佢响景山山頂高歌一曲的大惩罰~哈哈
HEA完一輪~準備落山~我地嘅行程就要結束啦~女生們都行落山~我JOIN埋珏仔同11坐沖鋒車沖落山~哈哈~好好玩~好耐無玩過山車~
我同珏仔坐車尾~11坐車頭仲要比個司機夾住~哈哈哈~~好彩我話坐車尾je~呢個沖鋒車玩系几好玩~不過都真系好驚~驚系驚在佢d安全措施都真系夠簡陋.....=.="
門口影完一張大合照之后~我地就散啦~hk同學仔去九洲港趕船~我地往拱北方向番澳門~唔夠24小時的行程~睇落有d無聊~但系實在有夠精采~
咁樣一班人出去走走~感覺很不錯呢~做的事情再無聊~相聚的時間都好似唔夠咁~
感覺好似人地小學生秋遊咁~你睇阿娟一身打扮真系好學生哥去郊遊look~哈哈
唔知我地一大班人下次見面會系幾時呢?
文章定位：
