20/9/2009
今天基本整天都在坐車。一早Check out之后，在西門町遊蕩左一陣。由於太早~除左7-11之外~其他鋪頭都未開門~正好~無乜人影相最好~朝早陽光好好~在紅樓外面見到有人影緊相~大概系影d商業啊、雜誌廣告之類吧~因為看起來很專業~很多道具呢~仲比我見到旁邊有隊人影相個model著得好少布=.="晨早溜溜真系大開眼界@@
搭捷運出到台北車站~時間尚早~唯有搵個行李櫃鎖住個大背包先慢慢逛下搵早餐食啦~細部DC無電~(我又犯同樣錯誤....無帶叉電~嘿)...好彩比我發現左台北的7-11系有叉電服務架!咩電都得~真系高科技!哈~放低左舊電响7仔就出左車站附近搵野食啦~求其搵左間早餐店食左個米線做早餐~嗯~米線唔好食....味太濃....HEA左陣睇左一陣電視、逛左一陣書店~時間差唔多~出發去我第一個目的地---台灣故事館
都系太早~又系去到等佢開門~台灣故事館都幾多野睇~入邊好懷舊FEEL~比起之前去過的袖珍博物館、台北探索館之類~我比較喜歡呢度~逛完一圈、自己一個人食左個好大個刨冰、寫左到此一遊嘅留言、拎番d行李同舊電之后~就出發去今次旅程點都要去的目的地---墾丁
第一次坐高鐡~第一次食鐡路便當.....嗯~高鐡好新淨~好快~從北坐到南先2個鐘唔洗~貴就貴左d~d靚女服務生都好好禮貌~整體都唔錯~個便當賣相ok~食落都還可以....(還是系我太肚餓呢?) 打左個電話比民宿~佢話幫我安排司机~心諗呢度d服務真好~聽住蘇打綠訓著左....
好快就到左左營啦~司机打比我話响3出口等我~一去到~好好彩~就系等埋我就開得車啦~9/10人大車最后排我一個人坐曬~司机話會直接車到去民宿~呢程車坐左好耐~前排有對母女~個妹妹唔知系唔系唔舒服~中途不停咁喊得好淒涼~佢地最早落車~我同個妹妹揮手拜拜~佢好可愛咁對我笑番同我揮手仔~哈~小朋友唔喊果陣果然都系天使~~我系最后一個上車~亦都系最后一個落車~司机兜左最前排個客去左關山先車我去墾丁大街民宿~好吧~就當系認下路啦~同司机隨便傾左兩句~佢就不停咁接電話講電話~傾生意几百萬上落咁款~墾丁果然系旅遊發逹的好地方.....終於~四點几我順利抵逹墾丁大街啦!!哈哈哈
民宿間單人房好細、去厠所要落樓~不過尚算干淨、應該有嘅野都有齊~一晚NT600很合理~放低沉重的行李~出左去搵7-11取貨(之前網購左cd同雜誌等~網購節省時間)~未天黑行左轉墾丁大街~見到所有人都系短衭拖鞋~我又屎忽痕買左條紅色花花的黃色短衭同埋一對綠色拖鞋~又系太早~人地先剛剛準備開檔~所以無乜野睇~走番上房睇左陣電視、沖個涼換好新衭仔同新拖鞋~等天黑~
夜晚墾丁大街同日頭都系好唔同~夜晚真系好熱 好多人啊!好多攤檔ｄ野都好似好好食咁～我搵到果間一品ｘ味幫人買到樽斷魂辣之后順便試食埋野～味道唔錯～但系我點得太多。。。。食唔曬～一個人旅行就系呢野唔好～嗯～～～仲比我聽到隔離枱個女仔話＂那個女生好奇怪喔～＂該不會是說我吧＝＝"洗唔洗講咁大聲啊~方死我聽唔到咁....一個人去旅行食野果陣果然比較適合打包拎走~因為呢日舟車勞動實在太累~行到最后對腳好似唔系自己咁~所以逛左一圈試左個x味之后就番房休息~準備第二日的行程啦~
文章定位：
人氣(131) | 回應(0)| 推薦 (
0)| 收藏 (
0)|
轉寄
全站分類:
不分類
