跟住人地閃左成日....晚上MJ DVD繼續我們的掉念儀式......29/8這天很累 也很滿足:)
只不過 第二天是賣旗籌款日 為台灣88風災籌款
因為之前答應了朋友當小組組長.....好吧~我想 一天 應該很快過吧~
其實 我並不太願意為這個組織做事 問我為什麼嗎?我也說不上來....
就是沒有那份歸屬感、凝聚力.....就是會讓我一直想逃........
會出席這次活動完全是因為 我是真的想為這次風災影響的台灣做點什麼......
還有看到那個從小學開始就認識的朋友為這個會這個活動做這麼多.....我如果能幫上點忙就好~
只是這短短的一天 真的很累 很漫長 很難捱......
呢一日系我咁大個女第一次賣旗 人情冷暖可以真真切切咁感受得到
遭受好多白眼 食左好多檸檬.......我面皮好似厚左啲~
企响歌謠門口一邊聽住heal the world 一邊賣旗...原來勇氣會大d~哈哈....我真系識揀地方企
當然 亦都有好多善心人事 特登走過黎買:)
其中有幾幕我印象好深刻.....經典啊~
一大早遇到兩個阿姐.....
佢問我 :地系乜組織啊?未聽過嘅?
好吧~我將我知的回答佢~點知佢仲追問 :咁個組織邊個系會長啊?會址响邊啊?連組織的宗旨、未來方向之類的問題都問埋.......我心諗: 阿姐你唔好考我啦~我唔識答架!
佢見我答得好唔肯定好為難咁嘅樣.....佢終於肯放過我啦~
"哦~~我都系覺得你應該了解清楚先姐~咁好易比人呃架~妹妹" 然后終於掏出佢嘅善款....
佢走左之后 我真系有D腳軟....一額汗=.="
不過之后諗番 或者佢並唔系有心為難我~只系提點下我~我的确無好認真咁了解過個會~或者我應該好好咁考慮下 有心參加的話就好好干 唔想做就應該推得干淨D 一直拖落去都唔系辦法~
師奶拖住個細路行過 好主動咁話買旗
然后咁同我講 "個個星期都賣旗 一定要買架啦~唔買定支貼住一陣行過又叫我買架啦~"
汗.....原來變左通行証
有個靚仔大概是看我站在那邊很可憐
走過來幫我買左支旗 貼完支旗 講完多謝之后 他跟我說"你做乜咁怕丑?"
什麼跟什麼啊???我只是站累了~講累了而已....
然后我聽見自己是這樣回答的"對啊~我害羞....." (突然轉普通話=.="自己都O咀)
"有咩好害羞"講完呢句個靚仔就咁走左啦.....
有個女生抱住几本書行過
聽到我叫賣 佢停下匆匆的腳步 好艱難咁一手拎住佢果几本書 另一隻手從包包裡掏出善款
然后跟我說 "嗯~風災死左好多人啊!希望幫到佢地啦~"
聽到佢呢句說話 我呢一刻好感動....
有對夫婦行過 個老婆一聽到話系幫台灣籌款
竟然咁答..."台灣洗乜我地籌款啊~阿逹賴過去咪乜都搞掂囉!"
然后一蚊都無留底就好不屑咁走左去..........
點解要搞到咁政治呢?我不懂......都系幫人啫~搞到咁复雜做乜?
呢日嘅經歷好特別 自己一個人站在街上
面對形形式式的人 能看到人性的美好與偽善
那些嘴臉 能讓你難受 也能讓你欣喜
愛 如果真的能分享的話 世界是不是可以簡單一點 更美好一點?
文章定位：
人氣(122) | 回應(2)| 推薦 (
0)| 收藏 (
0)|
轉寄
全站分類:
不分類
