咁又一個月啦~
時間過得真系快...
如果我仲系學生的話~
個暑假都應該就快完...
再放多個月暑假比自己
對於前途、方向、打算...呢類問題
結果都系無乜頭緒~
今次輪到大佬睇唔過眼...
零晨三點走黎我房同我傾偈....
”你頽廢完未啊?”
我好想答”未”架...不過估計會比佢鏟...
所以我咁答佢..”吓?乜我好頽咩?嘿~又几喎...我有寄架~無回音都無計...”
”點解會無人叫你去in架~~~~~”
我好細聲答佢:”因為我無乜點寄....”
........佢想打我咁濟~哈哈....
”你想做咩啫?”.....問題又返回原點
”會計卦...仲可以做乜...”
因為我發覺~睇報紙睇招聘網填求職意向...
我會好自然填會計文員...也只能填這個.....
但系同大佬傾完偈又覺得...其實可以有好多選擇
唔洗局限住自己ge...
”搵快錢系呢几年~賭塲捱下夜都同你現在ge生活時間差唔多啦~”
嗯~咁又系...
”會計真系得個做字...不停咁考試攞証書，人工先會高d...人地做一個月等於你做兩三個月...”
我夠知...所以先咁煩...
”做老師囉~教下d閒科...備下課之0麻~你有你講~講完循例問下有无問題，實話無ge~拍拍屁股走人...”
........有咁簡單咩~好大責任架....誤人子弟不太好吧~
”咁入賭塲搵d咩清潔部主管做啦~淨系點d啊嬸去邊度邊度掃地~月入都過萬~”
不是吧.....
”一系等間去澳門日報買報紙返黎~”
啊???點 解啊?
”你咪話一盤帳點做都無乜實踐經驗ge~買返黎茖樓下賣報紙實踐一下囉~我比二百蚊你做本，賺到又可以投資對面報攤，咁又有往來帳、乜乜關聯方....”
哈哈哈哈.....爆笑中~你在開我玩笑吧~你自己都笑緊~做乜叫人同d啊婆爭飯食啫~哈哈哈.....越講越離譜~~
我知道
大佬都系唔想我鑽牛角尖啫...
”乜都好啦~做住先囉~好過日日坐响屋企~”
嗯~
路還是要慢慢摸索出黎ge...
想太多都無用
我己經放左好耐假啦~
又無旅行去又無人陪又無野做又無銀襾的日子
實在好無聊~得個煩字
我想工作...
呢几日真系拎住份報紙乜都寄
希望順順利利啦~
文章定位：
人氣(72) | 回應(6)| 推薦 (
0)| 收藏 (
0)|
轉寄
全站分類:
不分類
