歡樂谷 你可以講乜都得,基本上,我地係冇底線0既

62愛的鼓勵 0訂閱站台

幾個月前，碧咸腳根重創，無緣世界盃，除了他本人失聲痛哭之餘，球迷都婉惜他失去了歷史留名的機會。但如果我係碧咸，呢個傷認真傷得及時，今屆英格蘭被譽為近五十年最強陣容，聚英超球星於一隊，目標直指冠軍。

然而，英格蘭的表現簡直是一盤散沙，攻門乏力(朗尼食漢堡食得太多?!)，毫無組織，傳送失誤是家常便飯，基本上我地搵聖芳濟校友隊都收佢地皮，碧咸應該感到幸運，沒有和這隊雷聲大雨點少的紙老虎隊伍扯上關係，令球迷對自己還有一絲幻想。

今屆世界盃是南美波的天下，歐洲球隊普遍令人失望，罷操的法國不在講，西班牙經常門前失機，意大利雄風不再，德國葡萄牙表現稍為對辦。非洲球隊缺乏紀律鬥志，反而亞洲球隊頗為可觀，以嚴密的組織，體能和鬥志，打倒對手，表現為之激賞，目標應是八強吧。

最近的生活是由世界盃，工作，捽數，拳法鍛鍊組成，終於拎起心肝去讀番個學位，雖然讀完好可能冇Q用仲會多條債，但係當小弟還未想到突圍大計之前，惟有讀住先。

雖然今年六月未過，但己經可以預期下年好忙，例如會唔會因為冇數俾人炒?(可能性=高)，讀書，打比賽?(可能性=視乎狀態)，提升老婆大人的體能狀況(可能性=低)。我像英格蘭，好不容易碌出分組賽，對手己經對我磨刀霍霍，Anyway，正如我朋友Ben Ip所講，高高的牆我也能攀過，隨遇而安。