鏡盒 就是喜歡靜靜的聽著......

47愛的鼓勵 0訂閱站台

我地住既係青年旅社

係d胡同入面

不過房間個洗手間有d臭…豬太朗唔歡喜..要換酒店

我唔理佢咁多…hea多陣先講

 

第一站:雍皇府…係酒店附近

好可惜行到去已經closed….明天請早

 

之後轉去水立方同鳥巢

哼,一搭地鐵就不爽,設備唔夠好;國內同胞既服務態度有待改進…媽的

買張地鐵搞左好耐咯

又要搭好耐地鐵,轉幾次先到目的地……只怪北京太大

 

水立方感覺好普通…可能睇慣左海立方

佢只不過係放大版

鳥巢真係好靚,好壯觀

我地周圍行周圍影,影完都係6點幾

諗住影埋夜影先走

以為好似咁澳門7點幾就開始天黑啦

夜晚仲有時間行王府井

見有時間去放埋風箏….

係北京地方咁大咁空曠唔放風箏真係O徙哂

放完風箏….個天仲未有天黑既跡象

再行下啦…越行越遠

7點半啦…..水立方燈著左啦…. 鳥巢呢…無反應

再行下….. 鳥巢都著埋燈啦….點解8點個天仲未黑哂

(原因係北京既緯度高,所以無咁快天黑)

8點半個天總算黑啦

豬太朗要行動啦….等佢影完…邊度都唔洗去lu

只好返酒店附近既”篡街”食飯

果度成條街都掛哂紅燈籠…好好feel既

食既野都係紅卜卜既…..我地得兩個人,我又唔食得辣

最後搵左間食小菜既餐館

 

返到房間洗手間既臭味越黎越勁

豬太朗強烈要求換酒店…好啦…聽日換到係勁松既桔子酒店