鏡盒 就是喜歡靜靜的聽著......

47愛的鼓勵 0訂閱站台

12月30日   雨

 

今朝本應約左小鍾既

好可惜佢要睇醫生

時間就唔到無去到食cake

 

本身諗住去野柳睇女皇頭(石)

可惜天氣差;又去唔到

 

今日行程都相當緊湊

第一站:中山紀念館

哼,去到捷運站蕃薯竟然唔記得帶悠遊卡

今次仲唔比我話返佢夠本

不過都算好彩今日要去既地方好多

所以買張一日票都抵返

 

去到中山紀念館當然要睇換兵

D阿兵哥真係幾辛苦;又唔郁得

不過間中都有人幫佢地”鏈”兩野

 
中午去度小月

上次黎無去到

澳門美食節又無食到

今次要去總店試下先得

佢d麵唔係好特別

不過佢既黃金蝦捲真係唔錯,值得一試(NT150)

 

食飽就去台北車站買聽日去瑞芳既火車票

點知買哂

阿姐姐仔叫我地聽日早D黎買

唉,問左一大輪都係得個桔

算,唔好為呢D小事掃興

我地再去自由廣場

 

跟住搭捷運上淡水 (好凍呀)

我地搭船去漁人碼頭

上船之前有時間

蕃薯玩射波波 (NT40)

成績唔錯呀十中八

可惜禮品係一個超細既吹氣沙灘波

 

上船啦

我無諗過咁大浪加

嚇死我呀

漁人碼頭超大風又凍WO

行情人橋既時候大風到相影唔到

又淋濕哂TOO BAD

我同企鵝都同一命運

兩次去都睇唔到日落

之後搭巴士係淡水老街食阿給;買下手信

 

再去北投亞太浸溫泉 (NT1000)

由於我地早就上網book左平過walk in (NT1250)

個view同個feel都唔錯;

日式既半露天

不過根本就熱水唔係溫泉

哈哈,我件”比堅呢”終於出場

上次由於計算錯誤,用不著

今次可以著下佢啦

浸完成個人暖粒粒呢~~

 

 

再落返劍潭

去美麗華坐摩天輪

但係去到個VIEW都唔似睇<蜂蜜幸運草>既

一上到摩天輪我就捉到實一實

開頭仲話坐個透明箱(真係癲左)

 

最後係市林夜市食豪豪大雞排

開頭蕃薯話唔食,見咁多人排隊又要食

D香港人就係咁加啦

不過真係超大塊,可以姐住塊面呀

 

之後去大南路食福州胡椒餅

果然係好食過澳門呀

最後當然要飲返支每朝黎清清腸胃啦