鏡盒 就是喜歡靜靜的聽著......

47愛的鼓勵 0訂閱站台

11月15日   晴

 

今日算係一個特別既日子

我同屋企兩老仲有表妹同阿姨入左長洲呀

 

話說上個月公司話係11月15日去海洋公園

每個staff 可以帶多兩個人去(當然要錢,不過平d)

我開頭諗住搵阿燕同阿君一齊去

返屋企多口問阿媽有無興趣(以為佢一定say no)

點知佢好興奮咁一話答應;連老豆都話好

如果過得去就玩耐d

所以我suggest 搵埋表妹同阿姨入長洲過夜

仲好快叫子龍幫我搵屋

加上好耐都無同佢地兩個去行下啦

佢地之前又忙

係時間帶佢地去鬆一鬆

去遠既佢地又唔想

唔想留低細佬係屋企

雖然佢大個仔(但係身體唔好)

但係都係唔放心wo

長洲係一個唔錯既選擇

大陸佢地去得多

長洲係第一次

 

頂,點知自己咁黑仔

原來唔係個個執左名去海洋公園既人都有得去

係要抽籤加!!!

而我係唯一一個抽唔中既人

Too bad,超不爽

不爽既係公司既小家

只不過係貼多3個人既錢姐

反正我又唔係未去過

哼,算……

 

今日撞正賽車封路

不過好好彩

無塞車之餘仲路路暢通

D時間夾得岩岩好

早左上船到香港

入長洲又唔等船

 

入到長洲佢地話好舒服

無介紹錯

我最開心就係佢地覺得長洲唔錯

因為老豆實在太難服待

又無耐性又慣左澳門既悠閒

(我係佢既小縮影)

 

我地租既屋就好似d宿舍咁

好簡陋

不過一打開露台門

嘩,好舒服既海景呀

 

我地check in 之後

就開始”掃街”

長洲d小食多又平

特別係佢d魚蛋同糕點

其實無咩特別

但係可能入到去心情輕鬆

見咩都想食,無停口

我地食到飽都係6點幾

 

之後返左渡假屋”hea”

8點幾又食飯

長洲d野真係好平

平過澳門

澳門呢幾年加價加得太犀利啦

以前係香港覺得食咩都貴

依加仲平過澳門

 

食飽飯行左一陣

消化下再食糖水

有間叫天然糖品真係唔錯

又多選擇又好坐

一邊食糖水一邊吹吹水又吹吹風,爽呀

唔…….好滿足

 

 

 

P.S. 今晚個月亮好靚好光;我第一次係海邊哂月光