＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今日約左子瑜，屈妹同埋佢老公一齊出去，而子瑜就提議出去科學館～！！
於是我地就等埋子瑜收工，及後一齊先食左個lunch再搭車出去尖沙咀～！！

約左12:30PM去良景會合左先，之後就食飯兼談及下近日香港政事啦～！！
雖然我自己就唔太熱衷於呢Ｄ野，不過都係當時事咁同大家傾返兩句囉～！！

食完野之後就起程前往目的地啦，至於車程期間就談及下家族事宜啦～！！
畢竟至今都仲未有咩野特別活動搞過，但下個月就到我生日會約飯局嚕～！！
估計今年都係會打散處理各個慶祝環節，而今日佢地三位都約左我喇～！！

再者我地又有講下家族其他成員事宜，當然高層處事手法都有提到啦～？！
畢竟我地講開屈姐近期個狀況，而屈妹同阿榮似乎就比較多睇法囉～！！
我地都理解人越大就會越多改變同問題，同時亦要識得點樣去處理啦～！？

至於今日行程只限尖沙咀啦，因為晚飯同埋去玩都係去呢個範圍咋～！！
完左科學館行程之後就去左晚飯，另外又到講下早前小潔搵左我件事啦～？！
經過大家分析之後仍然覺得佢個性比較古怪，所以大家都選擇唔需要理會～！！

而我就覺得圈中人越o黎越多怪現象出現，當中主打都係班細o既問題較多～！！
當中包括埋世俊個人處事問題都被講過，而于生又係一個古怪o既人囉～！！
再者近年大圍都傾向將呢Ｄ人抽起晒，所以變左搞大聚會o既情況又少見左～！！

埋尾屈妹就同我講下生活同埋感情問題，而我都有同佢呻下近排心情問題～！？
對於感情生活方面o既我已經冇咩太大期望，而佢亦有佢對我o既見解呀～！！
究竟努力去尋求改變或者相信緣份呢Ｄ野，係咪又係另一樣要去學習o既野～？！