＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

又係一段時間冇點聚過頭o既我地兩仔爺，阿仔就特登今日抽左個時間o黎陪下我啦～！！
由於日前去左睇音樂會覺得唔錯兼有好多新睇法及感覺，所以今日就有好多野同佢分享下～！！

近日成為左我新歡o既阿Fred今日於荃新天地有表演，加上我又要出去呢到交返演唱會費用～！！
最後我地就決定一齊出去行下兼睇埋個show，而且重點就係等我地可以見面食飯兼傾下計～！！

約左11:45am去兆康西鐵站會合左先，及後就一齊搭車出去兼打算先去交左演唱會費啦～？！
之後見時間仲早就打算行返陣睇下ｄ波鞋啦，點知呢個場可能太細o既關係而搞到冇咩款睇～！？

是次會面除左交代返最近發生o既事宜之外，重點就係先交代埋下一個月需要處理o既事宜啦～！！
畢竟佢o既生日都需要事先夾一夾個期，等我之後再做個簡單計劃同佢慶一慶祝生日就算喇～！！
原本我係打算同佢搞個好少少o既生日飯會，不過宜家o係時間上就未必好似以前咁好夾囉～！！

至於佢近期好似o係感情事方面又有新轉機，雖然日前佢都已經透過Wtsapp同我提過下啦～？！
但係趁住今日同佢會面o既時間裡面都會講到啦，而我亦有就住未來數月o既計劃同佢講到啦～！！

下個月除左係佢生日之外就仲有Jacky都係，同時家族方面或者會趁年尾時間搞返下聚會啦～？！
至於我早前已經提到關於自己o既音樂會一事，今次就再一次同佢談及到兼落實左部份諗法嚕～！！

加上我下個月就會去一年一度o既旅行，所以我都趁住今日時間同佢講埋兼問佢借行李箱呀～！！
今年時間我同佢都面對左好多唔同變數，而且呢一堆變數亦都係我同佢覺得好負面o既改變嚕～！！

至於十一月阿Fred個演唱會方面就冇佢喇，事因今次陪我去睇o既人早已換定左係Phoebe佢地～！！
所以佢知道今日有Show兼且我最近比較喜歡阿Fred關係之下，佢最終都陪左我去睇左一轉呀～！！
現場氣氛同埋感覺當然都好正啦，因為商場內做show個位絕對大部份人都係Fred堆歌迷嘛～！！

明天我地又要面對新o既挑戰同難題，加上最近好多身邊o既人都因為份工而先後做左唔同決定～！！
我亦有趁機同佢呻下之餘都有談及到呢一堆事宜，或者我同佢都好希望俾個時間自己好好抖下～！！