＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
日前去完左台灣旅行返o黎之後，尋晚就首先約見阿仔兼俾左堆手信佢啦～！！
至於今晚就係出席Okan同Debbie個婚禮，而呢次亦係我首次去同事o既婚宴啦～！！

今晚見返好多前同事，而平日喜歡玩玩下o既新郎哥就竟然變得好感性喎～！！
好多平日都見唔到o既畫面同埋感覺，今晚竟然可以一次過俾大家見到晒嚕～！！

喜極而泣呢句說話相信就係今晚o既感覺，因為兩大主角今晚都喊左好多次～！！
而且男主角仲o係中場玩左個表演，而呢個表演就係佢o既弱項．．．唱歌呀～！！
一向被我地都話佢唱歌唔叻兼走音o既佢，今晚需要o既勇氣肯定要比平日多～！！

另一方面．．．
今晚亦同返好多舊同事一齊吹水，雖然大家都已有一段時間冇再聚埋玩過呀～！？
不過今晚又o係呢個場合再聚，所以我地都會講下大家o既近況同約下之後去玩～！！

雖然Okan呢個婚禮係比較簡單，不過整體心思同埋感覺仍然係令我好感動囉～！！
好多時出席中式婚禮都係一式一樣，而今次呢個西式化又係另一種體會嚕～！！

至於o係睇兩位o既結婚相方面，大家都覺得佢地好上鏡兼好有明星相喎～！！
我地都笑佢地話不如轉行走去做明星，話晒代言人呢行都幾好搵兼幾好玩呀～！！

雖然今晚整體係以簡約為主，但係兩位主角今晚所講o既說話就最打動到我～！！
兩個人相處最重要就係要學識互相扶持，畢竟婚後o既生活仲有好多路要行嚕～！！