24h購物| | PChome| 登入
2008-06-17 01:09:30| 人氣262| 回應4 | 上一篇 | 下一篇
推薦 0 收藏 0 轉貼0 訂閱站台

新加坡玩樂之旅 ~ Day 1

因為本人假期既問題，加上時間既問題，原本打算4日3夜既行程，最後變成3日2夜.....之不過，又因為改成左3日2夜，我地先可以如期成行，因為之前個日突然而來既黑雨，早一日，我地呢個行程就要取消啦。
之前個日黑雨，搞到北大與山線水浸而且大塞車，真係好擔心出發個日天氣會係點，意外地一早就好好天(起碼係我屋企個頭就出太陽)，因為之前大塞車，入機場我都預早左怕有意外，好在一路都非常暢通，去到青馬大橋位，見到成片烏雲壓頂，真係有點擔心，不過只係過雲雨，好快就飄左去了。
今次乘搭既係Jet Star航空，我都係第一次知有呢間航空(我見識少嘛~)，係曹介紹既，真係好平下(3日來回 HK$1805)，全程吾包飲食，不過3個鐘，無所謂啦~
一落地，第一時間就往酒店進發。對於第一次去新加坡既我地，因為我地有做事前搜集，一路上都算係順利得行(難怪文麗氏不停甘話我地3個係Lucky Girls啦)。

我地今次落腳點，係Bugis，都算係其中一個幾旺既熱點，加上到步個日係星期日，一路上都非常多人。放底行理後，執返d眼耳口鼻，就往第一個目的地【魚尾獅】進發。
一出MRT(係新加坡，MRT即等同香港既MTR)，往魚尾獅會經過很有歷史價值既“Fullerton”酒店，酒店前身係一間郵局(身後右手邊既建築物)，依家係一間5星級既大酒店。
魚尾獅比我想像中的要細很多，真的很奇怪，不過因為係新加坡既地標，所以附近既遊客都不少。另外在石像背面的一段位置，有一個約半個人高的小魚尾獅，用碎石砌的，有可價值我不知道，只是它不及原裝的好看倒是個事實(怪怪的)。

如果有時間，不妨走到附近的橋底處看看，空間設計很特別，很有美感，值得一看。
在魚尾獅逗留差不多一小時，我們便坐車往“Night Safari”夜間野生動物園參觀。

N年前曾去過番禺那個“長隆夜間動物園”觀看，當然明顯的新加坡這個大得多，坐導遊車歷時45分鐘有多。講真，係甘黑既環境又要有好一後既距離，要睇到那些夜間動物既真正身份.....真係幾難，而且有的樣子都是差不多，加上我並不是研究動物出身的，所以....真的別怪我只是似牛說牛、似羊說羊、似鹿說鹿、似豬.... 呵呵呵~~
同場加演，免費的壯男玩火表演，個個都好似蠍子王“ROCK”甘既身形，又跳舞又噴火，真係睇到熱辣辣~~

另外，只要俾S5，你就可以同蛇、野貓&貓頭鷹拍照，可惜後2者吾可以掂啦(因為負責人話佢地未訓練過，仍有危險)，不過都好值得既，因為好難得甘近距離同佢地影相架。
由動物園出到市區，以為新加坡會好似香港甘有好多好夜都開既夜市，點知...去到出名既“老巴剎”大部份既食店都已經關門了，只有幾間仍然開門，買了飲品，食了個地道小吃“炒粿條”(其實好似係河粉再幼身d硬d既食物)，味道一般，相反另一個“炒粿頭”(即係蘿蔔糕切條炒蛋)，味道就不錯啦~

食完就趕尾車返酒店，係酒店附近既24小時店買返d日用品(因為酒店除左毛巾，基本係咩都無，無番皂、無牙刷、無沖涼用品....)。


【香港→新加坡→酒店→魚尾獅→夜間動物園→老巴剎】

我要檢舉
台長： 夢夢貓主人

您可能對以下文章有興趣

人氣(262) | 回應(4)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 悠遊貓記 |
此分類下一篇:新加坡玩樂之旅 ~ Day 2
此分類上一篇:優悠遊

我要回應
Ada Yeung
好開心喎!
2008-06-18 14:53:43
版主回應
好攰，但好開心！
2008-06-19 00:09:03
JoJoGirl
原來你去咗新加坡!!! 我都好多年無去喇, 最深刻就係老巴剎夜市啦, 係平時係商業地區既地方坐係街喥食串燒, 食魔鬼魚, 正!! 不過, 新加坡人好似好深歸, 無咩夜生活咁!!
2008-06-23 22:00:59
版主回應
係呀?我以為佢地都好似香港甘，好多夜生活既添~ 我太夜去啦，都成11點左右先去到，吾怪得咩都close曬啦....cher~
2008-06-23 23:03:48
Sochen
以為星加坡係個幾悶既城市,看來都幾多野睇呢! 野貓看似好可愛,但我想一定好惡...
食店太早關門啦..
2008-06-27 18:50:35
版主回應
如果去多幾日，我唸都吾使去第二次啦！
隻野貓影影下相望實我，我真係有d驚佢跳起爪我~
2008-06-30 00:38:54
紙船
嘩!原來你同文麗氏去旅行,真開心!!
2008-07-04 23:44:07
版主回應
嘻~ 你都係呀~ 祝你旅途愉快呀~
2008-07-09 13:28:44
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文