MY WAY 歲月流逝,生命成長的軌跡

104愛的鼓勵 0訂閱站台

話說...我地的辯論組某次開會的時候傾到,澳門有咩好食,講下講下,就變左要搞個澳門美食團.沒錯!lee個就係今次出團的原因之一,另外lo wo,梗係比我地敍下舊la.今次美食團的負責人係我同愛玲,我地夾份買左本<澳門王>,揀左d好似唔錯的地方,決定食新馬路和沙梨頭一區.我地事前重行過一次添ga~係咪好pro 呢(wakakaka~~~)
早餐由我同愛玲兩個人買上李淑華家,有已有52年歷史的三元粥品之彈牙肉丸粥及南屏雅敍的大頭沙翁.如果你覺得爽爽的肉丸已經唔錯的話,咁就一定要試三元la,而我就覺得沙翁真係食得過,又平($2.5)又好食(比泰昌的好),真的要說不好的就是”肥”了點,冇計la,鬼叫沙翁係炸出來ga咩~~跟住一行六人(我,愛玲,fa,正,靜moon,蔡)去左洪馨食雪榚,戈度的雪榚有朱古力,椰子同芒果三種口味,朱古力唔試都唔會後悔,但係椰子就值得試下la,同出面賣的幾唔同,真係有新鮮的椰子味,而芒果就有點似沙度娜的雪葩,都幾唔錯.價錢係7元/杯.
食完雪榚之後,靜moon同正去左返工,我地四個上左fafa家涼冷氣,感覺上在夏天,涼冷氣也能成為一件打發時間的樂事,當然我地唔止只係涼冷氣la,fa拿左盒大富翁出來玩,原來玲玲係第一次玩咋!起初她都幾霉下,成日都坐牢,買唔到地,我就買左唔少地la,但係後來玲玲佢有間豪宅,我同亞蔡都係咁踩中交租,最後我都係破左產,將變賣得來的錢還了債,剩下的送給蔡作資作,但係最係都係落到愛玲手上..果然無產階級最啱我~~睇來可以同玲玲對抗的只有fa了.
然後我地等埋靜moon同正返來,又再去食其他野la,本身行程安排係食豆腐花先ga,但係因為驚趕唔切食之後的楊六記牛雜粥,就臨時把它調上來了.這問店舖...真的很隱蔽,害我重以為自己行錯路,後來梗係去度la~~我咁醒~~要左個牛肚粥...好味!戈度的粥就稀d,味就濃d,價錢$9,都算抵食!咁我地食完粥,就拿拿聲走去豆腐花,想潤下個喉嚨咁話,點知佢...賣精光...連豆奶都冇,得豆腐...早知食左你先la> < 算la,就改左去榮記,我地係度研究究竟榮記同新榮記係咩關係呢?豆腐花有咩唔同,fa話都係咁,我就覺得榮記的豆腐花甜d lo.
大家食到飽曬,自然想訓,靜moon返左屋企訓,我地又再次踩亞fa場,攻佔她家的床舖...一真到七點多,再去食權記,勤記的豬骨粥同紅豆粥拼湯丸.這兩間其實都係街邊檔,重要街邊到有d車係你左近經過.而且我覺得勤記的老闆人好好呀,我同愛玲係權記買左2個豬骨粥($11/個),問佢可唔可以比我地坐係佢d枱度食,佢都比,同埋佢d紅豆粥拼湯圓真係好食,坐係度食髓知$8,外賣就貴d,我覺得都幾食得過.大家真的要去試一試!
今日...原來食左三個粥,全部都是好食的層次,不過如果真係要比我揀,我最喜歡食牛肚粥,其次係肉丸粥,豬骨粥唔係唔好la,係我覺得食骨有d煩~~
不過全部來計,我最喜歡係沙翁同紅豆粥拼湯丸.抵食又啱口味!
如果大家想知計細d或者有興趣去試都可以問我ga,樂意同大家分享澳門的美食!