24h購物| | PChome| 登入
2006-05-12 00:45:08| 人氣77| 回應0 | 上一篇 | 下一篇

完了．game over

推薦 0 收藏 0 轉貼0 訂閱站台

完了，玩完了，完了，考試完了，我都幾乎完了。

拜拜喇考試先生，我知道我地仲有機會重遇，
唔緊要，至少呢幾個月我唔洗再活0係你0既陰影之下。

步出試場，我真係覺得「身心俱疲」，
連食都冇咩心情，是但啦，都考完啦，心情黯淡中.........

休養完，租左林一峰ｘ楊千樺拉闊ＶＣＤ，
哈哈哈～　一峰唱的《我係小忌廉》真係經典，
仲有一峰版《小玩意》同千Va版《友個人》都幾感動，
千va唱男仔歌，一峰就唱女仔歌，你咪話呀，都幾得架！

佢兩個都幾「鬼馬雙子星」feel，表情幾搞笑，
全場最好聽 + 最好笑 + 最精彩莫過於合唱《男孩像你》，
歌詞實在太．．．．．．．．．．．．抵死！

我好鍾意呢個《男孩像你》0既新verson～
由呢兩個一0的發展可能都冇0既「雙子星」唱，好強化學作用！
真係特別耐人尋味～

↓一峰千va版《男孩像你》

「一峰：男孩們來約妳一般送花 而無人能似我親手種花
　千va：但男孩像你 不要我下嫁
　一峰：男孩們能有我般纖細嗎 談情時明妳那種感性嗎
　千va：但男孩像你 只愛同類嗎（注意千va手指正指向一峰的）

　千va：假使間這一刻我要你憑良心　想一想 揀一揀 實在是和誰襯
　一峰：我會說是命運 你與我其實熟得很 但他總比較親
　千va：好知己好姊妹 那裡會談情感
（一峰：妳似推卸責任）
　千va：不牽手不親咀 但是亦能陪我 下半生
（一峰：但妳要明白我　也有犧牲）
　　　　　　　：
　　　　　　　：
　　　　　　　：　　　　　

（＊最正的尾句＊）
　千va：為何他會得到寶座
　一峰：長伴身邊的卻是............
　　＞＞＞對望＜＜＜
　千va + 一峰： 唉～！！！　　　」

過癮！＞ｖ＜

　　－　　　－　　　－

好啦而家要度下跟住落黎0既假期點揮霍喇，
知喇我知道要搵你地妳地你地去玩去同個銀包放血，
不過除此之外真係冇ｐｌａｎ過有咩要做喎好似又，
好啦我要考慮考慮～

PS：今日竟然有人打黎問「係咪有得訂水」．．．．．．
　　ｗｅｌｌ～　我冇做bonaqua差唔多兩年喇～

我要檢舉
#考試　林一峰
台長： taki

您可能對以下文章有興趣

人氣(77) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文