葹蓓居 一切從心出發. 寫心、寫事、寫心事......

492愛的鼓勵 0訂閱站台

這是在個人網誌中抄寫過來的信。所以, 用字都較口語化, 希望筆友門多多見諒!

啤梨是葹的可愛小狗。她是女孩子, 品種是蝴蝶犬, 她有一雙大大的豎耳, 面部有對花, 從後面看, 她的耳朵就像一隻蝴蝶, 十分美麗。

 

以前葹曾養過一隻灰色兔子, 名字也叫啤梨。至於葹為何對「啤梨」這個名字情有獨鐘, 葹也不清楚。大慨, 緣份本來就是很難解釋的事, 只知道, 這個就她的名字了……

 

 

****************************************************************************

親愛的囡囡啤梨:

 自從你來到我們的家, 真的帶給我很多很多的歡樂.  我真的把你當作女兒看.

還記得你初初來到時, 你生病了, 你整晚咳個不停. 我真的很擔心. 擔心你養唔大.  因為病, 所以你一直不能打第二針防疫針, 我很擔心.  後來, 謝天謝地, 你終於無事了, 玩得食得, 就連早前天氣驟降, 你咳都唔咳一聲, 身體似乎好好.....

有時, 你會 naughty, 你還是喜歡追我褲腳咬..... 但有時我見你望住我的眼神, 我都原諒你了. 我希望, 你可以成為一個 lady. 唔好咁 naughty 啦.  點解你咁似我, 咁男仔頭, 唔定性呢.....

每當我見到你呢個眼神, 我就會下定決心, 無論我地有無錢, 我都要同你和謙謙開開心心咁生活..... 我聽過有人當寵物係寵物, 但, 我當你係親人. 在我最失落的時候, 你會安慰我, 帶歡樂俾我..... 起碼, 還有你和謙謙關心我, 愛鍚我.... 所以我要多謝你!

看到好多被遺棄的動物, 我真的很心痛.  由我決定養你那一刻開始, 我就同自己講, 不論貧病與富貴, 我地都要一齊, 無論日後既日子幾難過, 我都唔會唔要你的.  

我有朋友講, 佢話佢既狗仔, 因為天然糧唔夠香口, 所以專登買味精糧俾佢狗仔食, 雖然媽咪唔係大富大貴, 唔可以俾好多好野你食, 但係, 媽咪一定會有能力以內做到最好, 幫你選食物時, 一定會小心選擇. 希望你可以健康快樂地成長. 

我有朋友, 有親人, 有同事...... 但, 你只得我一個. 我係你的唯一. 我自己試過被最愛最信任的人遺棄, 那種痛真的無法形容. 所以, 你放心, 即使你無牙, 你甩毛, 你唔再靚女...... 我都要你.  所以, 你只需要盡情跑, 盡情玩, 盡情食...... 有媽咪和謙謙哥哥係度, 你唔需要擔心的.  我們, 永遠也是一家人......

 

最愛你的媽咪
2009.03.24