24h購物| | PChome| 登入
2007-07-26 01:21:19| 人氣65| 回應1 | 上一篇 | 下一篇

人情味

推薦 0 收藏 0 轉貼0 訂閱站台

10-07-07

醫院內，一個醫院治療師為一個伯伯做緊一個叫MMSE嘅評估。MMSE主要係評估一個人嘅認知能力、短期記憶能力等等。

治療師：「伯伯今年係咩年呀？」

「……」伯伯冇理佢。

治療師晌評估表上面寫0分。

治療師：「伯伯呢到係咩地方呀？」

「……」伯伯又係冇理佢。

治療師晌評估表上面又係寫0分。

治療師問咗好多問題，伯伯都係冇睬佢，只係跟咗治療師指示，拍咗一吓手同埋摺咗一吓紙。結果伯伯得到2分，係嚴重老年痴呆症患者。

上述過程係真事，係我晌家訪嘅時候屋企人講嘅，呢個伯伯係我嘅client嘅丈夫。伯伯嘅女都覺得呢次評估好兒戲，因為伯伯答唔到治療師嘅問題，治療師就話伯伯係嚴重老年痴呆症患者。其實伯伯唔係治療師評估得咁差，只係伯伯第一次見治療師，所以先唔睬治療師。我見到伯伯果時，佢同屋企人有傾有講，仲會撩我玩tim，所以我都覺得伯伯唔係咁差，只可以話係比較內向，同因為疾病令佢失去語言能力。

歸根究底，都係因為呢個治療師採取一個太簡單嘅二分法─答得出有分，答唔出就無分；同埋過度將人數據化。我同意將一個人嘅情緒、認知能力等等較為內在同抽象嘅資料數據化，但係好似上述果個治療師咁僵化，只會令好多資料都失實。社工都會用分數嚟同client做評估，但係唔會只靠分數，仲會睇埋client日常生活嘅行為特徵，綜合得出一個比較多方面嘅評估報告。壞處，當然係加重自己嘅工作壓力，仲會令睇嘅人辛苦。梗係啦，如果個個client嘅報告都只係評分，做嘅快手，睇嘅一望個分都知個client係咩level。但好處係比較有人情味，同埋真係為client度身訂做，所以即使要加班工作，我都係寧願用一份綜合嘅評估報告好啲。

我要檢舉
台長： 少明哥哥

您可能對以下文章有興趣

人氣(65) | 回應(1)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 橙色實驗室 |
此分類下一篇:戰場上的羅密歐
此分類上一篇:戲中有氣

我要回應
虫虫
講得好~~~
好似我做復康咁,
好多人做左d問題行為就話挑戰職員...
其實好多時都唔係咁,
只不過係大家認定左他是這樣的...
就是因為標籤左他是有自閉症的或什麼的,
就不去找其他可能性....

努力呀社長~~~
堅持你既原則,會幫到好多人架...
支持~
2007-07-26 14:44:36
版主回應
其實好多人都只係睇表面
唔去了解行為0既背後
結果造成好多悲劇......
2007-08-13 19:36:34
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文