24h購物| | PChome| 登入
2007-03-01 14:36:32| 人氣102| 回應0 | 上一篇 | 下一篇

若我感到醉了我便會歸家

推薦 0 收藏 0 轉貼0 訂閱站台

28-02-07

一個月一次嘅職員會今日舉行，連經理都嚟埋，搞到我好緊張，因為今次staff training講「顧客服務」，係由我主講。本來我都應該好有把握，因為我晌馬會做咗六七年，期間都上過唔少course，不過冇做之後就唔記得晒，真係「書到用時方恨少」，好彩經理都話我表現唔錯。

開完會成班同事去食飯，話說我都好耐冇參加過呢d聚會，十月果次冇返工、十一月冇開會、十二月無端端心情唔好 + 唔舒服冇去、一月又冇開會，結果到今次先再出席。今晚晚飯食麻辣火窩，辣嘢我都食到少少嘅，但係加埋「麻」就真係頂唔順，偏偏華姐成晚係咁晌麻辣果便淥嘢俾我食，盛情難卻之下點都要食晒佢。本身已經係豬頭架啦，加埋食完麻辣，雙唇好似腫晒咁，今次真係變咗「豬頭喇叭嘴」@@

席間唔少得嘅梗係酒，但因為聽日個個都要返工，所以都唔算係暢飲，只係酌量。可能係麻辣令血液循環快咗，所以今晚飲咗兩枝細啤酒已經開始有少少天旋地轉嘅感覺，其他人一啲都睇唔出哦，因為我繼續有講有笑、有飲有食，不過我都有有少少擔心，今晚會唔會唔識返屋企。好彩我嘅能耐都俾比我想像中強，返到屋企仲可以同小琳妹子傾咗陣近排開始hit嘅「涼宮春日」系列、打咗陣機，再睇咗陣書先訓。

其實飲到半醉半醒就最好，因為適量酒精可以沖散理智，但係又唔會令人做出失禮嘅事，就好似今晚搭車返屋企嘅時候，我都有好多寫作嘅靈感俾酒精激發出嚟。一直都未試過真係好放膽同放肆咁飲酒，因為怕醉咗會做出一啲「驚天動地」嘅行為。搵日試吓搵個比我更飲得嘅朋友出嚟飲酒，起碼就算我醉咗，都有佢送我返屋企吖 ^^

我要檢舉
台長： 少明哥哥

您可能對以下文章有興趣

人氣(102) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 橙色實驗室 |
此分類下一篇:親身上陣
此分類上一篇:大暴走

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文