24h購物| | PChome| 登入
2006-12-16 23:29:42| 人氣97| 回應1 | 上一篇 | 下一篇

時間快轉

推薦 0 收藏 0 轉貼0 訂閱站台

09-12-06

芷悠今日結婚啦！真係諗唔到我0地當中咁快會有人結婚！聽講今日係好日，所以有好多人結婚。輝爺有兩個馬會同事都係揀今日結婚。

之前一口應承芷悠今日會去觀禮，點知後來先知原來今日要返工，仲要係走唔甩果隻……因為上晝晌屯門幫手做探訪，下晝返總局聽熱線，陳經理話兩樣都係非我去做不可(！)，所以樣衰衰咁同芷悠講話夜晚先去得影相。

上晝探訪都冇咩特別，但係下晝就悶就抽筋，一來唔知聽熱線要做d咩，二來又冇人打電話0黎，成日接0左六個電話，一個打錯五個冇出聲。雖然只係坐0左三個半鐘，但感覺就好似返0左成日工咁。

夜晚同大學同學dinner，Chris帶埋男朋友0黎，我0地都好奇怪，原來下年佢0地結婚啦！成為我0地「一戊」入面最早結婚0既戊女！今次真係要記住，果日千祈唔好返工！

食食0下飯陳經理打電話0黎，問我今日幾點走，我話五點半，佢話原來今日我聽熱線係到九點半！總局d人知道我出0左去，但冇返過去，以為我出0左事，於是打俾我0地保記社服部最高負責人，社服部最高負責人唔知我電話，於是打俾安老部最高負責人，佢亦唔會有我呢d small potato電話，於是打俾陳經理，由陳經理搵我。今次大鑊……我以為去到五點半之後有義工接手，咪大安旨意咁走，點知連社服部最高負責人都知我走0左去，冇啦……呢次冇啦……

我要檢舉
台長： 少明哥哥

您可能對以下文章有興趣

人氣(97) | 回應(1)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
呆呆戀
呢次都好似好大件事喎...
有無俾人照肺呀？
@@||
2006-12-18 14:20:10
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文