我一個人住，我不是一個人住＠水晶天堂

2006-11-14 01:31:21| 人氣87| 回應4 | 上一篇 | 下一篇

我一個人住，我不是一個人住

推薦 0 收藏 0 轉貼0 訂閱站台

13-11-06

我曾經擔心，明媽同小琳妹子去旅行呢段期間，獨守空帷0既我會點過，但係原來，一個人住0既日子都唔係想像中咁難過(可能短時間先ok)。

而且，我唔係真係一個人住，晌我身邊，仲有好多人陪住我。 ^^

多謝輝爺，就算第二日要返工，都「夜媽媽」上我屋企陪0左我一陣，同埋山長水遠走出0黎奧海城，陪冇飯帶0既我食0左一個午餐。

多謝小戀，百忙中都抽空去我blog留言，仲要係一篇長長0既言，令我知道雖然我企圖及意圖自閉，但係如果我打開門，門外一定會有人。放心啦我已經諗好0左自救0既方法，我相信我打開門，大家會見到一個全新0既我。

多謝Kathie，同妳傾計都係「助人自助」0既過程，同妳傾完我自己個人鬆0左好多，希望我講0既0野對妳都有幫助。

多謝女兒娜娜，放心啦爹地唔會就咁走0左去，但係妳個blog都要改一改，妳爹地唔再係「窮爸爸」啦……雖然都唔算富有……

多謝大霸、可可、比比、蘿姬、點點、龍弟、小妹、阿火、阿yiii……等等等等「天天練功團」同人，令我一打開「卡巴拉島」就感受到好熱鬧0既氣氛。

多謝好多好多睇過我日記而又關心我0既人，雖然大家唔係太多留言，不過我知道有你0地關心我，收到！

最後，多謝小晴。要成為妳心目中最重要0既同重視0既人，的確係我自己自私0既想法，冇諗過妳0既感受，亦只係晌度撒嬌。我唔會忘記同妳一齊0既每一日，唔會忘記妳為我做0既事。妳為我笑過、喊過、開心過、唔開心過。我已經晌腦海中delete晒每次嗌交0既片段，只係留低相處時最開心0既回憶。將來有緣，希望我0地真係可以再晌埋一齊，到時，我希望我會有足夠0既成熟同堅強，可以俾到妳想要0既0野妳，同支撐起妳0既世界！

「轉身之前，隱約看見妳眼中的淚水，知道，我曾經存在在妳的心裡，我想，那就夠了……」(萬芳《Fly Away》)

我要檢舉

台長：少明哥哥