仍是老地方＠水晶天堂｜PChome Online 個人新聞台

2006-11-09 01:58:40| 人氣107| 回應4 | 上一篇 | 下一篇

仍是老地方

推薦 0 收藏 0 轉貼0 訂閱站台

08-11-06

放個五個星期假，今日終於覆工啦！一早返到去，日間中心0既會員已經好開心咁「咦~~咦~~咦~~返工啦」咁講，雖然都仲係「gat」「gat」0下，但係全日返工出出入入office都唔係問題0既！

但係放工果時，有d同事話：「唔覺你返工0既，今日咁靜。」講真，真係冇咩心機講0野。

兩個星期前返去，我同小晴仲叫做好好0地；今日返去，有「桃花依舊人面全非」0既感覺，尤其係見返果個我0地晌荃灣買0既情侶電話座，留晌度又唔係，丟0左佢又唔捨得，結果繼續收埋0左晌櫃入面。

Lunch hour，第一次自己一個人食，以前會趁翻熱飯盒果五分鐘打個電話俾佢，講講上晝0既0野，或者提佢起身返工；或者食完打個電話俾佢，聽佢講0下0野。今日，電話0既功能變成0左一個MP3，冇人打俾我，我亦冇打電話0既對象……

Office執過位，兩間office combine埋一齊，逼0左好多，大家亦冇得偷懶，Raymond同Kamen就可以不斷出街，但係我呢d半傷殘人士，惟有繼續留晌中心。以前工作檯對住牆，可以好放心放file或者係書，但係而家對住主任張檯，仲要得半個partition，d書都唔敢放咁多，而且d 「do re mi」(我以前放晌檯面0既模型)都唔知放晌邊，最後趁住主任in人，冒住會俾主任話同唔小心撞跌0既危險，將d 「do re mi」放晒上partition。主任問點解要放晒上0黎，因為屋企冇位擺囉，嘻嘻~~~~

我要檢舉

台長：少明哥哥