24h購物| | PChome| 登入
2006-09-25 00:45:21| 人氣72| 回應0 | 上一篇 | 下一篇

我的醉愛

推薦 0 收藏 0 轉貼0 訂閱站台

10-09-06

馬會第一日開鑼，已經唔關我事，所以我可以大安旨意晌屋企訓到日上三至五竿先起身。不過小晴就辛苦啦，晨雞咁早就要出去返工，所以放工我就出0左去接佢，等佢高興一下。

但係出到去又有一個問題，就係唔知去邊好，屯門荃灣旺角呢d地方我0地都成日去，加上假日通常都會有九萬幾人晌呢d地方，所以唔係太想去，費事同人逼。結果去0左一個好耐冇去過0既地方，就係「深井」。之所以話好耐冇去，係因為我N年前去過一次，不過只係等人咁大把，實情入面除0左燒鵝仲有d咩，就真唔係好清楚。所以今日呢個都算係探險之旅。

結果發覺深井除0左燒鵝，就真係咩都冇(-_-“)，不過有好多(好似好好味)0既0野食，花多眼亂都唔知揀邊間，最後我0地是但揀0左一間平平0地食小菜0既，叫0左三碟小菜。小晴話今日好高興，咁arm又有個啤酒姐姐(佢年紀都唔細，睇得出)promote緊啤酒，於是就叫0左一枝，一邊食一邊飲一邊睇電視(好家庭feel)。

結果小晴成晚total叫0左三枝啤酒，飲0左枝半，醉到行都行唔到……佢話平時唔會飲咁多，但係今晚太開心啦，一定要飲大佢。好彩我酒量都有返咁上下(其實可以話係勁，因為每次同朋友出去飲酒，最後都係得我一個清醒)，先可以安全送佢返屋企。

曾經睇過一本書講，如果女仔晌你面前訓覺，即係代表佢已經好信你，因為訓0左覺人0既警覺性會低d。如果係咁一個夠膽晌你面前飲酒仲要係醉0既女仔，對你0既信任應該會係更大，因為即使撇除危險，飲醉0既人唔多唔少都會有d失儀0既場面，女仔咁講究形象，如果佢都唔怕呢d場面俾你見到，咁你晌佢心目中都算幾有地位0架啦！

我要檢舉
台長： 少明哥哥

您可能對以下文章有興趣

人氣(72) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文