24h購物| | PChome| 登入
2006-09-04 02:21:11| 人氣72| 回應0 | 上一篇 | 下一篇

對話練習

推薦 0 收藏 0 轉貼0 訂閱站台

31-08-06

每月最後一個星期四，所有中心同EHCCS同事都會坐埋一齊開會，傾返上一個月要跟進0既事項、介紹新會員、人事變動、同埋有職員培訓，今個月我又幸做一個「溝通及說話技巧訓練」。話說上次半講笑咁叫主任俾我教一次點樣同老人家講0野，但係之後就冇0左下文，諗住都係講0下0既0者，點知星期一主任問我準備成點……大鑊……冇諗住講真0架0窩……「拿拿臨」拎返一千零一本晌大學讀過0既「溝通技巧」出0黎讀0下，睇0下有咩可以做。但係都要一d時間消化，溝通技巧好難講出0黎，因為太理論性啦，同事會好難明，維有諗d角色扮演出0黎，透過扮演老人家同職員0既互動，等佢0地掌握多d。

不過由於之前太多0野要討論，最後得返五分鐘俾我……雖然我建議留返下個月先再做，但不被主任接納，惟有長話短說，唔知同事吸收到幾多，希望都有d啦……雖然玩唔到角色扮演，不過都透過同事間0既商討，講解0左日常服務裡面，同老人家講0野要注意0既地方，仲有就係一d對話0既原則，希望幫到佢0地啦~~

同埋今晚0既培訓仲有個好處，就係俾0左一個機會同事，將平日工作上遇到0既唔開心抒發出0黎，亦希望佢0地明白到，日常老人家鬧佢0地0既時候，佢0地唔係白白俾人鬧，而係提供一個情緒上0既宣洩俾d老人家，咁佢0地俾人鬧就唔係毫無價值，相反仲好有意義tim。

結果大家你一言我一語，個會差唔多成九點先散得……好彩大家冇咩點詐型0者……不過下次職員會如果又要我講書，我都唔知講咩topic先好，因為我最擅長果樣都拎埋出0黎講，仲有d咩可以教呀？

我要檢舉
台長： 少明哥哥

您可能對以下文章有興趣

人氣(72) | 回應(0)| 推薦 (0)| 收藏 (0)| 轉寄
全站分類: 工作甘苦(工作心得、創業、求職) | 個人分類: 橙色實驗室 |
此分類下一篇:強
此分類上一篇:關於我

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文