我的開始在這裡＠水晶天堂｜PChome Online 個人新聞台

2006-08-23 00:27:23| 人氣35| 回應5 | 上一篇 | 下一篇

我的開始在這裡

推薦 0 收藏 0 轉貼0 訂閱站台

03-08-06

記得以前讀社工0既時候，講師話我0地要了解自己，包括自己0既性格、過去、長處、短處、處事風格……等等，從而去了解client，假設你係晌一個單親家庭長大，咁晌處理單親家庭0既case 0既時候就要特別小心，避免將自己0既經歷同情緒投射晌client身上造成影響；了解自己0既另一個用處，就係幫自己建立一套適合0既輔導方法，因為唔同0既方法都有唔同0既學說同理論支持，如果果套理論同學說，同自己0既風格、價值觀都match，學習同施行都會更得心應手，否則有可能會事倍功半。我一向都鍾意睇唔同0既輔導叢書，希望可以搵到適合自己0既輔導方法，但係都不得要領。今日我同小晴行街，無意中晌書局見到一本叫《玩轉醫院─遊戲治療出發吧》0既書。睇完之後，我知道，我搵到我0既方法啦！

本書好簡單，用一程車0既時間就睇完，內容係講一個遊戲治療師，晌醫院透過同小朋友玩唔同0既遊戲，幫助佢0地克服對治療0既恐懼、增加對治療0既認識，就有就係治療師本身由懷疑自己晌醫院0既存在價值，直至得到唔同0既人0既支持，從而肯定自己0既工作。

睇完本書我對遊戲治療產生0左興趣，因為鍾意玩，就係我0既風格。以前我同長者中心0既會員相處，就係以遊戲性質；晌安老院舍，我同院友開組，又係透過唔同0既遊戲去訓練佢0地0既手眼協調；到而家晌日間中心，間中我都會同中心會員玩0下遊戲，藉此訓練佢0地0既活動能力。我0既工作風格，大部份都係同「玩」拉上關係，而且我覺得，透過玩去建立關係，比正正經經坐晌到傾計容易好多，只要建立0左關係，就可以進行輔導啦！

問過港大，今季冇開遊戲治療0既course，最快都要下年二月招生三月開班，仲要等多半年先開班，但係我已經急不及待想入讀啦~~好心急呀~~

我要檢舉

台長：少明哥哥