24h購物| | PChome| 登入
2006-02-27 00:46:49| 人氣43| 回應0 | 上一篇 | 下一篇

今夜你不會來

推薦 0 收藏 0 轉貼0 訂閱站台

08-02-06

返0左兩份工咁耐，今日最嘆。

早前年初二開工大吉，所以中心今日補返一日公眾假期，適逢係明媽每星期一日0既例假，於是兩母子連同埋大姨一齊去飲茶。

返0左工咁耐，都冇同屋企人去過茶樓，今日梗係要食返餐勁0架啦。點知去到都唔係食0左好多0野，三個人都只係食0左八碟，埋單一百蚊有找。

跟住去0左買I-Pod，因為少明架MD終於壽終正寢啦！聽果部個電池箱蓋斷0左(！)，錄果部load唔到MD，原本諗住買一架錄得0既去聽，但諗諗0下橫惦都係換，不如換部I-Pod，以後唔駛諗帶邊隻MD出街聽咁煩啦！於是買0左一部白色0既，因為明媽話小琳想要一部白色，但係買0既時候冇貨，焗住小琳買0左部黑色，我買0左架白色之後咪可以交換用囉。

返到屋企同小琳進行「等價交換」，先知原來佢部I-Pod個面花晒……唔係掛？佢買0左好似唔係好耐0架咋0窩？不過已經上0左賊船，就算啦，反正架I-Pod我都係放晌個袋0既0者。

夜晚唔駛返馬會，因為我已經申請0左逢星期三都唔返工，可以安安樂樂咁訓晌床上面聽跑馬，原來齋聽收音機係好鬼悶，仲要完全想像唔到場馬係跑成點。真係唔明d人點可以靠住聽收音機0黎賭馬……我自己親身試過，我係會聽聽0下訓著0左0既……

我要檢舉
台長： 少明哥哥

您可能對以下文章有興趣

人氣(43) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文