24h購物| | PChome| 登入
2006-01-30 15:10:48| 人氣55| 回應0 | 上一篇 | 下一篇

K歌之王

推薦 0 收藏 0 轉貼0 訂閱站台

29-01-06

年關難過年年過，話過快又一年啦，少明在此謹祝大家笑口常開、心想事成！

過年係親戚朋友聚頭0既好日子，少明今年新年除0左同屋企人過之外，仲同一眾青朝仔女晌neway聚頭，同小戀慶祝生日。雖說係晌K房，但話實有邊個係專心唱K 0丫……吹水煲煙劈酒玩骰盅先係戲肉。今日最經典都莫過於教識0左幾個人玩骰盅，睇住佢0地玩大話骰果時又要諗又要計又要估，真係值回票價，不枉大家教0左佢0地咁耐。

年廿九同初一都上0左大舅父屋企，節目都係唱K，因為大舅父屋企有齊全套音響器材，唱K一流，不過我d屋企人都係聽眾，唱0既主要係我，因為d歌太新佢0地都唔識唱，所以某程度上，呢兩日我都係做0左「歌姬」。

唔唱歌0既時候就去開檯，呢兩晚運勢都幾好。第一晚坐晌梳化訓0左，跟住明媽叫0左我起身埋位，佢自己就行開0左，我以為佢去洗手間，點知好耐都唔見佢出0黎，於是我就問：「明媽唔係去洗手間咩？咁耐0既？佢唔係訓0左0丫嘛？」原來佢真係去訓覺……好過份……叫醒人0地自己去訓覺。第一晚結算輸0左大約$150，但原來明媽晌我訓緊0既時候都輸0左唔少，所以我已經算係止0左血。

第二晚又打過，今次明媽贏0左先叫我埋位(佢就走0左去睇「你黑人」)，結算贏返$110，因為尋晚有$40係明媽出0既，所以今日算打0左個和，不過由於我同朋友打開都係三番起糊，所以同屋企人打一番起糊都係有d唔慣。返到屋企輝爺同佢女朋友上0左0黎，冇0野做惟有三缺一都打住先，雖然食0左一鋪「十三么」(打咁多年牌都係第一次)，但係都要輸$7。不過食出「十三么」，都算係一項個人成就0丫！

是日金句：輝爺(望住佢女朋友)：「我係唔會等自摸0架，因為唔想妳俾錢！」我打咁多年牌，都未試過晌麻雀檯聽到d咁情深0既說話……當時我除0左爆笑到氣咳之外，都唔知仲有咩反應可以俾……

我要檢舉
台長： 少明哥哥

您可能對以下文章有興趣

人氣(55) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文