24h購物| | PChome| 登入
2005-12-13 23:09:40| 人氣91| 回應0 | 上一篇 | 下一篇

我找到了

推薦 0 收藏 0 轉貼0 訂閱站台

13-12-05

話說上星期三，少明如常返工、如常處理客人糾紛、如常同同事有講有笑。收工之後聽返voice mail，有以下一個錄音：

「你好呀陳少明先生，我係保X局陳姑娘，上次同你interview果個，想同你傾傾上次interview 0既事0架，麻煩你盡快覆返我0丫，我電話係9xxx-xxxx。」

呢個陳姑娘，就係上次晌藍田同我interview果個。雖然好想即刻覆佢，但係都過0左十二點，我唔訓人0地都要訓0架，所以第二日一訓醒我就即刻打電話俾陳姑娘。陳姑娘問我搵到工未，又問我對上次in果個post有冇興趣，我梗係話有啦，佢就話因為好等人用，所以會即刻將我d資料fax過人事部、補做返個筆試、做埋reference check同body check，就可以返工。真係好趕咁0窩~~

過0左冇耐人事部打電話0黎，約時間做筆試同second in，負責second in 0既係人力資源經理梁小姐，見0左三十五分鐘，雖然問0既0野都幾難答，但係我個答案都令對方幾滿意。In完梁小姐就叫我準備諮詢人0既資料，如果冇問題就會有offer。

星期六我再打電話俾以前返工個院長關生，請佢做我諮詢人，佢好爽快咁就應承0左。但係等到星期一，都係冇消息，於是開始驚啦：又話好等人用0既？點解仲未有消息？唔通已經請0左個仲好0既？到星期二上晝再打去人事部，先知道原來關生仲未寫好份「諮詢人意見」。可能人事部果邊再催關生啦，下晝就打電話俾我，話16號就可以返工啦。所以呢兩日要預備好晒所有0既文件、仲要做埋body check。

經過個幾月「量地生涯」，終於明白等返工果種徬徨(試過幾朝紮醒等電話)。我立下決心無論幾辛苦都好，呢份工點都要做夠一年，如果續約就繼續，希望會有一番作為啦！

p.s.差d唔記得，呢次係一個正正式式0既社工位，畢0左業咁耐，總算正式出任社工職位啦！yeah~~~

我要檢舉
台長： 少明哥哥

您可能對以下文章有興趣

人氣(91) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文