24h購物| | PChome| 登入
2005-09-19 01:18:31| 人氣41| 回應0 | 上一篇 | 下一篇

舞台皇者

推薦 0 收藏 0 轉貼0 訂閱站台

29-08-05

譚詠麟唱0左三十年，我就聽足佢廿五年，由溫拿樂隊開始，到而家0既《歌者戀歌》，雖然我唔係佢fans，但係都不得不佩服佢0既魄力。早前輝爺誠邀我出席譚校長0既演唱會，「去，輝爺叫到一定去！」「坐好前，四百蚊0架0窩，你都係陪我去睇，會唔會唔係咁好呀？」「唔好同少明哥講個『錢』字，最緊要係開心！」就係咁，輝爺就叫0左佢朋友，買0左兩大張四百蚊0既飛。而我今日，就去0左睇呢個咁貴0既演唱會啦！

雖然係貴，不過係值得0架0窩！首先譚校長出場0既時候，係晌個台中間升上0黎0既，我睇到佢握緊拳頭，面上0既表情好滿足、亦好有自信，好似話俾自己同全部入場0既人知：今晚，會係一個good show！佢好有信心，亦好滿意觀眾熱情0既反應。果一刻，我feel到咩叫「舞台上的皇者」。

一路唱一路唱一路唱，譚校長只係換0左幾套衫、放0左次煙花效果、打0左幾轉燈，我覺得呢d先係演「唱」會，show off歌曲同唱功，當然佢會有唱錯歌詞、唔記得歌詞等等，不過對於一個唱0左三十年、有過百首經典0既歌星0黎講，都唔係好過份。打個比喻如果你有一百個仔，你都未必認得晒佢0地0既名啦？

嘉賓，張學友，一個字：型！白恤衫、藍牛仔褲、黑皮鞋，年中起碼見過超過一百個男人咁樣著(包括我自己)，但係冇一個可以有學友咁型！佢好自謙咁話係求其揀，一個男人求其揀衫都咁型，呢d先係真正0既男人魅。無記果班友，學0下0野啦，唔該！

完場，一個結論：睇0左咁多次演唱會，呢個，最正！

我要檢舉
台長： 少明哥哥

您可能對以下文章有興趣

人氣(41) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文