24h購物| | PChome| 登入
2005-08-01 19:25:48| 人氣56| 回應0 | 上一篇 | 下一篇

家

推薦 0 收藏 0 轉貼0 訂閱站台

01-08-05

星期一通常都係我0既例行假期。呢幾日覺得自己都充滿0左負能量，尋日返工沒精打采不在話下，就連同事話夾$5買六合彩，我都因為懶晌個褲袋拎錢出0黎而唔夾。可能係天氣唔好啦，成日落雨。

今日放假，平時0既我應該會一早起身就開張檯出0黎砌模型，但係今日我連砌模型0既意慾都冇。主要原因係因為d容易砌0既系列 (四大將軍、四獸王、風林火山四天王、新生武者五人眾、闇軍團、天雷地影四武者)都已經砌好晒，凈返「七人之超將軍」、四大戰艦同三龍未砌。但係四大戰艦同三龍係小琳妹子0既至愛，晌佢未執好地方安置佢0地之前我係唔會幫佢砌0既，「七人之超將軍」共有十一隻，開得呢個series就有排都望唔見家鄉：計返個工作速度，「七人之超將軍」有七隻細0既，每隻砌一個禮拜；一隻大少少0既，砌一個半禮拜；兩隻再大d 0既，四個禮拜；一隻最~大0既，又要四個禮拜，夾夾埋埋要用砌三個月幾，加上delay for出0下街呀、hea 0下咁，即係要……半年……所以，唔想開始住。仲有四隻簡單d 0既：飛天、大牙、千生、雷帝千生，但係，未有心機買，所以，未有得砌。

結果成日0黎我做過d咩呢？同模型都有d關0既，就係稍稍執0下間房，將d冇用0既0野掉0左，再騰空0左兩個櫃出0黎放d砌好0左0既模型。都唔係咩大工程0既，都係買塊發泡膠板同色紙，按大細cut好包埋色紙，然後放入櫃同模型0者。雖然算唔上係五星級的家，但總算好過晌房流離失所0丫。

(影0左相睇過，都唔係好差0者！)

我要檢舉
台長： 少明哥哥

您可能對以下文章有興趣

人氣(56) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文