習慣了有你的生活 己經習慣了有你的生活 本來平淡泛味 有了你卻是萬般喜悅

33愛的鼓勵 0訂閱站台

本來諗住今日係挂佬節係唔開心,係觸景傷情ge節日

點知........

一朝早返到去,佢地就問我有冇買朱古力俾您

因為3月14先係所以諗住戈日先買俾您

佢地就冇咩講啦

飛飛就俾左一塊朱古力我,我好多謝飛飛

之後程程都俾左一粒我,我都好多謝程程

上午就咁就完啦,我諗,性神咁樣衰,唔好話咩啦,就算係普通送粒朱古力都冇啦

有兩粒己經好開心啦

下就返到去,您終于返啦,我就扮睇報紙,諗住我地e+都咁囉

您應該唔會送俾我啦

我聽到佢地叫您俾朱古力佢地

您就話冇啦冇晒啦,哎戈刻我心想,飛飛能仔豆豆,唔好叫咁大聲

如果佢諗住俾一粒我但係俾你地晒就真係好頂啦

點知您俾完佢地之後,您竟然叫一聲:性神

我立刻轉過黎,您就泡俾我,我差d接唔到,不過好彩都係接到

係三角朱古力呀,嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩嘩

原來您唔係唔俾我呀,您俾我ge同佢地ge大小完全唔同,一半都大個佢地戈d一粒

好開心呀,立刻由悲傷轉為超級好鬼死開心啦

個嘴都唔自覺咁笑,成個下就都係到笑

如果今日只得一粒朱古力ge話,我希望係您戈粒,因為有你尼粒朱古力就己經夠晒啦

之後就陸續再有几個女同學送左几粒朱古力啦,木魚啦,燒美啦,波霸啦,小青啦,仲有几位就唔多講啦,因為都唔係几記得

仲有,小強話聽日先俾我喎,都係能仔啦,小強都未話俾佢佢自己就左啦,哎,唔好話我咩,能仔都唔知羞ge

好鬼死好開

唔食都甜

跟著放學返工

到左六點几,又係前兩日黎買"他媽的哥池"戈個他媽哥池(因為我唔知佢叫咩名)

佢著住一套綠色ge運動服(唔知叫咩學校,不過都有個聖字ge)

佢獱著一盒紅色心型ge野(應該就係朱古力啦)

佢話送俾我喎,...................

剛好今日你又送左俾我,我都話啦收到您一個ge都夠啦,都甜啦(不過我冇話唔收下)

我就拒絶左佢,我話我唔中2食朱古力(其實係混佢)

佢好似冇野咁就走左

佢之後點我都唔知啦,我有d驚佢係玩我,不過點都好,我還是喜歡您

雖然一條朱古力唔代表d咩,但係我個心己經好甜,甜晒,甜死都抵