24h購物| | PChome| 登入
2014-10-10 11:05:08| 人氣774| 回應9 | 上一篇 | 下一篇

睇下有咩食先？！

推薦 0 收藏 0 轉貼0 訂閱站台

唔知大家上班族，lunch又會點食？！多數都係外出食？有時睇下外邊的茶餐廳的菜單，又畀我發現到…（恕森伯大鄉里，真係好少幫襯呢類食肆呀！）發覺所有碟頭飯的菜式都係肉多過菜，唔係排骨飯就係肉粒飯…覺得比例差唔多係9：1～如果想食多少少菜，非要加多碟油菜不可…

現在的我…定一日一餐盡量以素為主，所以好多時都係揀lunch呢一餐！雖然話自己帶飯可以隨自己口味，但對於森伯來講，真正係食來食去都係幾味，查實一個字「懶！」，所以食到好似病人餐，簡直就清過清涼茶，淡過淡水湖咁啦！！

而家呢個時勢，樣樣都嗌貴！出去食餐都唔平，就好似相中的舊區茶餐廳，相信最主要係做街坊生意，但呢個食晏時間都好多人幫襯，呢種舊區茶餐廳畀人有種「老香港」的感覺！！朝早嘆件西多，加杯Horlick都唔錯…


始終自家帶飯都比較經濟，睇開森Blog的資深友好們都知，森伯平時有幾咁拮据…有幾咁手緊架啦，所以慳得一蚊得一蚊嘛…而且帶飯又比較安全衛生！！

又唔知食開素嘅人，會唔會有樣睇？！…你地又會憑咩覺得呢個人食素？！

有時同事都會問森伯，你係食素（意指：全素）？！！而且仲要唔止一個問…當然隨即話唔係啦！！唔知人家認為森伯fit得滯，定個樣齋得滯嘞…XXXD

我認為食肆都應該多番啲素類菜式，起碼畀消費者多個選擇嘛！

我要檢舉
#食肆#多肉少菜#帶飯#素類菜色
台長： 森源

您可能對以下文章有興趣

人氣(774) | 回應(9)| 推薦 (0)| 收藏 (0)
全站分類: 心情日記(隨筆、日記、心情手札)

我要回應
Gael
森兄平時個image一定係好仙風道骨,同事才誤以為你食全素吧^^
依家出去食個普通lunch都四五十,帶飯可以慳唔少呢
2014-10-10 14:11:14
版主回應
其實同事點諗唔知~~不過仙風道骨就一定唔係，森老伯邊有咁脫俗丫！
最主要外出食物冇咩揀，自己整比較切合自己胃口！！兼且可以慳返少少錢...
2014-10-11 09:43:48
搞一爺
一定係森佬塊面青BB似喪屍, 咁要塗口紅搽胭脂，化行粧先番工啦！哈哈！
2014-10-11 06:16:22
版主回應
一爺你又諗得太多嘞~~食素塊面會青BB?!你講到好似食白粉咁~~
又係食素的誤解...今次你攞零分呀!!哈哈
2014-10-13 09:04:36
ykk
森兄這是否叫素顏呢！街外茶餐廳所謂素食，只是唔落肉，其餘味精，豬油，重調味冇減。
2014-10-11 18:52:18
版主回應
素顏森...又幾好聽喎!!對於一個年紀老邁的老人家嚟講,童顏梗要d~~哈哈哈哈
我都怕外邊的素菜味精多,所以都係自製素菜夠穩陣!!
2014-10-13 09:07:03
Stella
近一年我很喜歡煲素菜湯，原來冇肉都好甜。
2014-10-11 20:53:38
版主回應
你提起素菜湯,諗起公司有個同事煲素菜湯好香,有機會講開都要請教下佢!!
有機會你都講下點煲好甜的素菜湯!!
2014-10-13 09:14:33
搞一爺
幾個月前開始行6：1禁食，1個星期有1日食600卡，要食得飽肚又要低卡都係得蔬菜瓜果豆腐菇類谷麥豆類同雞蛋揀咋，仲少油少糖少鹽，白烚為煮，其它6日沒有控制按正常咁食，成績唔錯，體重減咗4kg，腰圍又細咗2吋，無想到真係減倒脂肪，唔係水份同肌肉，因為人哋教5：2禁食。比起日日計著食幾多嘅操作容易，又唔會餓著好想食咁辛苦，效果仲好顯著，我諗為咗健康，呢個會係我長期嘅飲食習慣喇！
2014-10-12 05:40:40
版主回應
你都好有恆心!!又6：1又5：2,我都聽過人講間中禁食會有助養生,不過自己並未習慣~有病有痛就話要宜食清淡,但若然只為健康去節制飲食,呢種精神都好值得鼓掌~~
後生細個時,食咩飲咩都可以放縱吓,但年紀漸大都係飲食注意下好~~臨老嚟病就唔想喇!!!
2014-10-13 09:21:46
ohtria
我以前o係HK都係帶飯架.
2014-10-14 04:18:03
版主回應
你煮嘢咁叻!唔帶飯就浪費晒!!!
2014-10-14 09:22:03
Rose
舊區茶餐廳未必有素食，但新式茶記或西餐廳好多都有素食!方便d素食人士出街都可以食素!
2014-10-14 13:10:00
版主回應
你所講的新式茶記或西餐廳是比較高檔少少，對食物有些要求的客人才會幫襯，至於做開街坊生意的食肆，見到間間菜式都差唔多…
2014-10-14 13:56:34
kammy
我好少係街食, 因為工作地方近屋企, 所以會返屋企食呢~ 以前係其他區工作, 都係成日出去食, 又貴. 食食下肥左... 於是的起心肝, 食件三文治加果汁做午餐, 先fit 番哂XD
2014-10-14 23:00:32
版主回應
午飯時間能夠回家吃就當然好,不過唔係個個都可以!!為工作始終冇得揀,好多時都要幫襯食肆飯盒~~而食物的品質就唯有靠店主的良心!!反而帶飯就可以慳番這些顧慮!!!
唔需要XD喎...我也覺得你好fit!!
2014-10-15 09:42:51
殷師奶
我都喜歡自己煮多過出街食,好多時又貴又唔好食
2014-10-15 12:20:58
版主回應
你講得啱，又貴...仲要唔好食先搵笨～
不過我認為間中出去食下特色菜，又係一種樂趣！好似你地咁！
2014-10-15 15:09:15
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文