思覺失調＠醉生夢死錄｜PChome Online 個人新聞台

2007-06-19 23:33:16| 人氣93| 回應3 | 上一篇 | 下一篇

思覺失調

推薦 0 收藏 0 轉貼0 訂閱站台

我個心好亂
究竟我應該點做?
其實呢兩個月o黎
我都好似冇邊日冇諗起佢
應晒孫燕姿首《我不難過》o既「回憶很多，你的影子也會充滿我生活」
我終於明白點解o個時奧斯卡要辭職
雖然女主角唔係公司o既人
但當你o既生活都充滿住佢o既影子o既時候
任何你日常逗留o既地方都會令你諗起以往o既片段
正如我係公司時、係屋企時、開MSN時
甚至係新聞台打日記時都自動會諗起佢
好小好小事都會勾起回憶
所以我理解奧斯卡要改變生活o既原因
有時候我會覺得自己係應該咁做
有時候我又會覺得其實我係唔係應該留係佢身邊繼續等待?
當初決定離開
算唔算係一時衝動?
係我高估o左自己
以為佢實會哄返我
係我自己過度完美o既想法
但係即使一直留係佢「身邊」
咁又點?
直係會終有一天感動你咩?
佢身邊有太多人圍住佢轉啦
講真
我又真係何德何能可以得到佢o既愛情呀?
上次佢都暗示o左我同佢冇可能啦
佢亦都講o左9萬次當我係好好o既朋友
你估我真係公主咩?
係我自己執迷不悟o者
頭先見到佢上MSN
佢冇叫我
真係有o的失望
有一刻真係好想叫佢
一年前o既今日
我地而家應該係MSN傾到天昏地暗
聽日仲會係佢第一次打電話比我
有時我會諗點解會搞成咁
係我太緊張段關係?
如果我一路都係對佢若即若離o既話
會唔會對大家都好o的?
但係
我諗如果再o黎一次
結果都唔會相差得遠
因為我始終都係雙魚座
始終都會犯返同一個錯
我真係就o黎思覺失調

我要檢舉

台長： Deja Vu