萍凡人語 這裡是萍凡人的生活日誌，也有我寫的新詩、散文等。歡迎友好連結，如果你喜歡本台的話，請給我留個言讓我知道吧。

163愛的鼓勵 1訂閱站台

點解可以累成咁？

前天看「燃燒國度201」，老實說，真係好悶。可是我又想，表演者義務演出，咁努力事奉，我卻打瞌睡，是否有些過份？我體內真的一條音樂神經都無呀，音樂細胞更加等於零，當眾人都說那套音樂劇好看時，我只認為太多歌曲，忍唔住睡著了，醒了又睡。我聽到長時間音樂表演時，好自然會閉目養神休息一下，因為我對聽音樂的耐性指數是負值。點解我無音樂修養的呢？Please tell me why……

算喇，或許這是天注定……

另一件事想講，我的一位好朋友發高燒，遇著沒醫德的醫生。我對朋友說，發燒不退呢，叫醫生幫你打支針吧。她說醫生不肯，醫生只說：「我幫唔到你，轉介你去政府醫院做檢查啦。」他真的寫了紙轉介我朋友到政府醫院。我心諗：「頂！你做醫生唔識打針？叫人去政府醫院做咩呢？」後來想想，恍然大悟，朋比為奸。因為我朋友出示保險咭，極可能是保險公司逼醫生唔准幫病人打針，打針費用貴些，最後都是要保險公司付，保險公司唔想比咁多錢嘛。唉，「醫」商勾結，苦了病人。

甚麼事都可以亂來，惟獨是兩件事不可以求其：找醫生、找髮型師。（題外話：我今天剪了髮，以前那個髮型師剪得好唔掂囉！我一直都知，但我懶得搵過另一個。我次次叫佢幫我創作新髮型呢，佢都話：剪梁詠琪個頭啦！我好想回答：第一，梁詠琪個頭唔靚；第二，點解我要模仿梁詠琪？第三，梁詠琪好outdated。）於是，今天下定決心找另一位髮型師。