24h購物| | PChome| 登入
2003-05-24 03:21:37| 人氣45| 回應0 | 上一篇 | 下一篇

光說不做~

推薦 0 收藏 0 轉貼0 訂閱站台

今日返到屋企發現左英德有信寄o黎, 一如以往咁收到個仔既成績表, 近照同佢寫俾我既信~咁多年o黎, 成績佢都算keep得幾好, 都幾叻仔呀~ 再睇下佢既相, 真係大個仔左好多, 高左亦都大隻左, 仲記得第一次收到佢張相個陣, 覺得佢都有d奀皮樣, 反而愈大個就愈斯文, 話晒都3年啦, 唔知佢大個會唔會都幾靚仔呢~haha~

至於信入面都係講返佢自己近況啦, 但當我睇到佢最後寫住:請你回信吧, 好嗎?很久沒有收到你給我的信了。個心突然好實呀, 一直自己都冇去關心個仔究竟生活成點, 讀成點, 甚至去俾一d鼓勵同支持佢......其實呢2年o黎大大話話都收過好多封信, 但自己又懶, 一封都冇回到, 只係睇完就放埋一邊, 要交學費就俾錢, 今晚睇到呢句說話先識醒, 先識去諗佢既感受~就好似寫錯地址咁, 一直都等唔到回應, 點解自己會咁唔理人感受架......完全冇盡到助學既責任.....即刻要自己回信, 希望關心唔會來得太遲啦~
又係一個學習課題~真正的關心

講起關心, 自己呢排都好擔心身邊某d朋友, 一d有健康煩惱, 一d就有感覺煩惱, 聽完佢地講, 忽然覺得自己既煩惱原來都係好微不足道姐~ 有咩重要得過自己既健康同最重視既人呀, 與其成日諗住d令自己心煩既野, 不如諗下點去關心人地好過啦, 而家我除左係專業踩背師, 仲係聯絡大使呀~~haha~亦都令我學識左放低dd自己既理性去聽人地既感受, 唔知我幾時先可以多d感性, 少d理性呢~ 希望d煩野速速行開, 唔好再上佢地身啦~ ^0^

我要檢舉
台長： 小吱吱
人氣(45) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文