24h購物| | PChome| 登入
2003-03-28 03:49:19| 人氣73| 回應0 | 上一篇 | 下一篇

即興bbq~

推薦 0 收藏 0 轉貼0 訂閱站台

今日入左赤柱, 我一心就諗住去埋野既, 咁o岩有個同事想去pre trip就成左團啦~入到去我地去左間新裝修既惠康, 佢拎左個舊差館o黎做, 真係幾靚架~當我地見到d食物我地就諗住從事我地最鐘意既活動~~燒野食啦, 一於就o黎個pre燒, 但係諗落2個人燒就好似少人左d, 於是就諗住call多d同事啦, 點知又有幾個貪威識食既同事自願落搭喎, 於是就展開左呢個星期一燒雞翼既活動啦～

去到燒烤區，　ｄ同事又未到，我地就一邊吹住海風一邊吹住水啦，其實除左我地之外，　星期一係真係有人會去bbq架，　分別係一對拖友同一班youth, 佢地仲帶埋機播歌tim, 又玩煙花咁, 已經覺得佢地既裝備都異常充足架啦~點知係我地抖抖下爐的過程中, 突然有人嗌我個名喎, 原來係識得架, 佢係邊個???咪係家姐同佢d fds囉, wa~真係冇諗過咁都會撞到熟人架, 原來係因為佢地有fd生日~~最後佢地仲俾左d炭我地tim, 我地先不至於唔夠炭燒咋~~

不過諗起今次都幾攪笑, 同我原本諗住入去既目的完全唔相關囉, 唔單止冇做到想做既野, 仲冇啦啦走左去燒野食, 仲要燒得成喎, 真係完全想做就去做咁樣呀~~不過今次o黎既同事雖然唔多, 但係都玩得好開心, 最攪笑係走個陣我地搭同事架車變左擠迫戶, 大家人疊人雖然有d危險, 但又真係幾惹笑, 真係好期待下一次bbq既來臨呀~~

我要檢舉
台長： 小吱吱
人氣(73) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文