今朝一早就去左釣魚呀, 仲要老遠咁去到鹿頸的魚塘, 好彩有車咋, 如果唔係交通都幾"夾攝"呀~ 去到魚塘只係得一個人係到釣, 佢分左大細池架, 每個池都有好多種唔同款唔同大細既魚, 我地就釣細池, d魚會細條d, 但細極都有我隻腳板咁大條呀, 大池d魚就梗係更加大啦, 有成隻手臂咁大呀~
由於係我第一次既釣魚活動, 一開始就先學點揸魚竿同上魚絲啦, 再學埋點上勾同發佢落水, 不過我試左好多次都好似發左=冇發咁, 我個fd仲寸我話用手拋都遠過佢呀, hahaha~ 不過好彩開始掌握多d先冇咁失禮咋~~
正當我地等緊d魚上釣既時候, 個塘開始多人釣啦, 我地睇住身邊其他釣魚人一條又一條咁釣上o黎, 反觀我地既收穫竟然仲係0, 真係有d俾人遲o黎先上岸既感覺呀, 冇理由架, 大家都係隔離姐, 個池就勁多魚喎, 點解我地咁灰架~~於是我地就轉移陣地, 但都係冇咩起色, 最後我個fd就去裝人地d魚糧, 發現人地都好落本呀, 又生蝦又秋刀魚咁, 但係我地只係用佢俾既急凍硬蝦, 所以話我地冇收穫都冇辦法喎, 我唔知啦~
我地第一條既收穫係冇啦啦上左釣都唔知架, 因為個fd放低左支竿, 直到佢諗住拎起支竿換魚糧先知有魚上左釣, 勁搞笑呀, 雖然個釣已經入晒佢個口, 基本上佢都冇得走, 但係原來抆佢上o黎都要幾大力架, 係咁同我鬥力, 佢係條立魚o黎架, 都差唔多有我隻腳板咁大架~不過今日超勁大風又晒喎, 吹到d野周圍都係, 仲吹埋d樽呀, 布呀落池tim, 大風個陣, 連d魚都吹到唔郁至呀, 於是佢就幫我加多個浮波啦, 方便睇有冇魚上釣。正當我同個fd傾偈之際, 再望下個波, 竟然唔見左喎, 我咪諗住抆返佢上o黎啦, 點知有度力同我鬥扯喎, 支竿仲彎晒tim, 我先知原來係有魚攪緊我舊餌, 不過由於我扯得太早太快, 所以最後俾佢走甩左呀, 爭d我就釣到我既第一條魚啦........好彩我舊餌都總算力保不失咋~~不過由於趕住返工, 路途又遙遠啦, 所以冇耐我就要走啦, 雖然今次一無所穫, 但我覺得個感覺都幾好呀!
初初諗住釣魚會好悶啦, 係到呆呆地等佢上釣, 好似只係o岩d時間多到唔知點用既人先會做咁~但係今次自己親自試過之後, 真係覺得幾得喎, 其實等既過程都幾有目標架, 唔係傻瓜瓜咁坐係到等, 而係要好敏感咁感覺住有冇魚攪你舊餌, 仲要掌握邊個位至"chalk"佢上o黎啦, 都真係要好多耐性同要慢慢學架~好似我咁, 靜靜地坐係到諗下野都幾好呀, 個心又可以好靜咁咩都唔諗, 又或者同d fd傾下偈咁真係幾舒服呀, 加上我個fd又有裝備喎, 所以遲到夾到時間都想再去呀~~
文章定位：
